ନୂଆଦିଲ୍ଲୀ,୩୦।୧: ଉତ୍ତରପ୍ରଦେଶରେ ସମାଜବାଦୀ ପାର୍ଟି (ଏସପି) ର ସହଯୋଗୀ କଂଗ୍ରେସ ଏବଂ ଆରଏଲଡି ରାଜ୍ୟର ୮୦ଟି ଲୋକ ସଭା ଆସନ ମଧ୍ୟରୁ ୧୮ ଟି ପ୍ରଦାନ କରିବାର ପ୍ରସ୍ତାବ ଭଲରେ ଚାଲିନାହିଁ। ଉଭୟ ଦଳ ନିଜ ନିଜ ‘ଶକ୍ତି’ ଆଧାରରେ ଅଧିକ ଆସନ ଦାବି କରୁଛନ୍ତି। ଉତ୍ତରପ୍ରଦେଶର ମୁଖ୍ୟ ବିରୋଧୀ ଦଳ ଏସପି ଆସନ୍ତା ଲୋକ ସଭା ନିର୍ବାଚନ ପାଇଁ କଂଗ୍ରେସକୁ ୧୧ ଟି ଏବଂ ଆରଏଲଡିକୁ ୭ଟି ସିଟ ଦେବାକୁ କହିଛନ୍ତି।
୨୦୦୯ରେ ଦଳ ଜିତିଥିବା ୨୧ଟି ଆସନରୁ ଅଧିକ ପ୍ରଦାନ କରାଯିବାକୁ କଂଗ୍ରେସ ଦାବି କରିଥିବା ବେଳେ ଆରଏଲଡି ୭ଟି ବଦଳରେ ରାଜ୍ୟର ୮ଟି ଆସନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଛି। ୨୦୦୯ ଲୋକ ସଭା ନିର୍ବାଚନରେ କଂଗ୍ରେସ ଉତ୍ତରପ୍ରଦେଶରେ ୨୧ ଟି ସିଟ ଜିତିଥିବାବେଳେ ବିଏସପି ୨୦ ଟି ସିଟ ଜିତିଛି। ଏସପି ୨୩ ଟି ସିଟ ଜିତିଥିବାବେଳେ ଭାଜପା ୧୦ ଟି ସିଟ ଜିତିବାରେ ସଫଳ ହୋଇଥିଲା। ଆରଏଲଡି ୫ଟି ସିଟ ଜିତିଥିଲା ଏବଂ ଗୋଟିଏ ସ୍ବାଧୀନ ପ୍ରାର୍ଥୀ ହାତକୁ ଯାଇଥିଲା। ପରେ ଅଖିଳେଶ ଯାଦବ ଫିରୋଜାବାଦ ଆସନ ଖାଲି କରିବା ପରେ ସେହି ବର୍ଷ ଅନୁଷ୍ଠିତ ଉପ-ନିର୍ବାଚନରେ କଂଗ୍ରେସ ଜିତିଥିଲା।
