ଅଭିନେତା ଅକ୍ଷୟ କୁମାର ତାଙ୍କର ଶେଷ ରିଲିଜ ଫିଲ୍ମ ‘ମିଶନ ରାନିଗଞ୍ଜ’ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ବକ୍ସ ଅଫିସରେ ଚମତ୍କାର କରିବାରେ ଫିଲ୍ମଟି ପ୍ରଭାବହୀନ ମନେହୁଏ। ଏହାକୁ ନେଇ ଅକ୍ଷୟଙ୍କୁ ଟ୍ରୋଲ କରାଯାଉଛି। ଏସବୁ ଭିତରେ ଖିଲାଡି କୁମାର ‘ମିଶନ ରାନିଗଞ୍ଜ’ ଫିଲ୍ମକୁ କ୍ୟାରିୟର ସର୍ବଶ୍ରେଷ୍ଠ ବୋଲି ବର୍ଣ୍ଣନା କରିଛନ୍ତି। ଏହା ଏକ ସାଧାରଣ ବ୍ୟବସାୟିକ ଚଳଚ୍ଚିତ୍ର ନୁହେଁ ବୋଲି କହିଛନ୍ତି।
‘ମିଶନ ରାନିଗଞ୍ଜ’ ମାତ୍ର ୨.୮ କୋଟି ଟଙ୍କାର ନିରାଶାଜନକ ଓପନିଂ କରିଛି ଏବଂ ଏପର୍ଯ୍ୟନ୍ତ ବକ୍ସ ଅଫିସରେ ମାତ୍ର ୧୫ କୋଟି ଟଙ୍କା ସଂଗ୍ରହ କରିଛି। ଅକ୍ଷୟ କହନ୍ତି, ଯଦିଓ ବକ୍ସ ଅଫିସରେ ଫିଲ୍ମ ଭଲ ପ୍ରଦର୍ଶନ କରୁନାହିଁ, ତଥାପି ସେ ଏହାକୁ ତାଙ୍କର କ୍ୟାରିୟରର୍ ଶ୍ରେଷ୍ଠ ଫିଲ୍ମ ମଧ୍ୟରେ ଗଣନା କରନ୍ତି। ମୁଁ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୧୫୦ଟି ଫିଲ୍ମ କରିସାରିଛି ଏବଂ ମୁଁ ଆତ୍ମବିଶ୍ୱାସର ସହ କହିଛି ସର୍ବଶ୍ରେଷ୍ଠ ଫିଲ୍ମ ମଧ୍ୟରୁ ଗୋଟିଏ। ଫିଲ୍ମର କାହାଣୀ ବହୁତ ଭଲ ଏବଂ ମୁଁ ଫିଲ୍ମ ପାଇଁ କଠିନ ପରିଶ୍ରମ କରିଛି।