ମୁମ୍ବାଇ: ଅଭିନେତା ଅକ୍ଷୟ କୁମାର ଏବଂ ପଙ୍କଜ ତ୍ରିପାଠୀଙ୍କ ଫିଲ୍ମ ‘ଓଏମ୍ଜି -୨’ ବକ୍ସ ଅଫିସରେ ଭଲ ରୋଜଗାର କରିଥିଲା। ଯୌନ ଶିକ୍ଷା ଉପରେ ଆଧାରିତ ଏହି ଚଳଚ୍ଚିତ୍ରକୁ ଦର୍ଶକ ମଧ୍ୟ ବହୁତ ପସନ୍ଦ କରିଥିଲେ। ଅଗଷ୍ଟ ୧୧ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ବର୍ତ୍ତମାନ ଓଟିଟିରେ ମଧ୍ୟ ଡେବ୍ୟୁ କରିବାକୁ ପ୍ରସ୍ତୁତ।
ନେଟଫ୍ଲିକ୍ସରେ ସାମାଜିକ ବାର୍ତ୍ତା ଉପରେ ଆଧାରିତ ‘ଓଏମ୍ଜି -୨’ ଦେଖିବାକୁ ସମର୍ଥ ହେବେ। ଅକ୍ଷୟ କୁମାରଙ୍କ ଏହି ଚଳଚ୍ଚିତ୍ର ଅକ୍ଟୋବର ୮ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଷ୍ଟ୍ରିମିଂ ହେବ। ନେଟଫ୍ଲିକ୍ସ ଏ ସମ୍ପର୍କରେ ଏକ ସରକାରୀ ଘୋଷଣା କରିଛି।