ମୁମ୍ବାଇ: ବଲିଉଡ୍ ଅଭିନେତା ଅକ୍ଷୟ କୁମାର-କ୍ୟାଟ୍ରିନା କୈଫଙ୍କ ଅଭିନୀତ ଫିଲ୍ମ ‘ସୂର୍ଯ୍ୟବଂଶୀ’ ସର୍ବାଧିକ ଆୟ କରିଥିବା ଫିଲ୍ମ ମଧ୍ୟରୁ ଏକ, ଯାହାକୁ ଦେଖିବା ପାଇଁ ଦର୍ଶକଙ୍କ ମଧ୍ୟରେ କ୍ରେଜ୍ ରହିଛି। ଏହି ଫିଲ୍କଟି ନଭେମ୍ବର ୫ରେ ପ୍ରେକ୍ଷାଳୟରେ ରିଲିଜ୍ ହୋଇଥିଲା। ତେବେ ଶୁକ୍ରବାର ଗୁଜୁରାଟର ପ୍ରେକ୍ଷାଳୟରେ ଏହି ଫିଲ୍ମଟି ଆଉ ଥରେ ମୁକ୍ତିଲାଭ କରିଛି। ମକର ସଂକ୍ରାନ୍ତି ଅବସରରେ ଫିଲ୍ମଟି ଦ୍ୱିତୀୟ ଥର ପାଇଁ ଗୁଜରାଟର ସିନେମା ହଲ୍ରେ ରିଲିଜ୍ ହୋଇଛି। ଦର୍ଶକଙ୍କୁ ସିନେମା ହଲ୍କୁ ଫେରାଇ ଆଣିବା ପାଇଁ ଫିଲ୍ମର ନିର୍ମାତା ଏଭଳି ନିଷ୍ପତ୍ତି ନେଇଛନ୍ତି। ରିଲିଜ୍ ହେବା ମାତ୍ରେ ଅକ୍ଷୟ କୁମାରଙ୍କୁ ଦେଖିବା ପାଇଁ ପ୍ରେକ୍ଷାଳୟରେ ଭିଡ଼ ଜମାଇଥିଲେ ଦର୍ଶକ। ଅକ୍ଷୟଙ୍କ ଏହି ଫିଲ୍ମଟି ବକ୍ସ ଅଫିସରେ ବହୁତ ଭଲ ବ୍ୟବସାୟ କରିଥିଲା। ରୋହିତ ଶେଟ୍ଟୀ ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି।