ବଲିଉଡ୍ ଅଭିନେତା ଅକ୍ଷୟ କୁମାର ଏବଂ ଟ୍ବିଙ୍କଲ ଖାନ୍ନା ଇଣ୍ଡଷ୍ଟ୍ରିର ସବୁଠୁ ସୁପରହିଟ୍ ଯୋଡି ମଧ୍ୟରୁ ଅନ୍ୟତମ। ଦୁହେଁ ଦୁଇ ଦଶନ୍ଧି ଧରି ଏକାଠି ଅଛନ୍ତି। ତଥାପି ସେମାନେ ପରସ୍ପରକୁ ପ୍ରଭାବିତ କରିବାକୁ କୌଣସି ସୁଯୋଗ ଛାଡନ୍ତି ନାହିଁ। ଅକ୍ଷୟ ତାଙ୍କର ପରବର୍ତ୍ତୀ ଚଳଚ୍ଚିତ୍ର ‘ବେଲ ବଟମ’ର ସେଟରୁ ଏକ ଭିଡିଓରେ ଏହା ସ୍ବୀକାର କରିଛନ୍ତି। ଭିଡିଓରେ ଅକ୍ଷୟ ଏବଂ ଅନ୍ୟ କଳାକାରମାନେ ଜଙ୍ଗଲରେ ଜବରଦସ୍ତ ତାଲିମ ନେଉଥିବାର ନଜର ଆସିଛନ୍ତି। ଏହା ଉପରେ ମନ୍ତବ୍ୟ ଦେଇ ଖିଲାଡି ବଏ ଅକ୍ଷୟ କୁମାର ଭିଡିଓରେ କହିଛନ୍ତି, ଯେତେବେଳେ ଆମେ ଜଙ୍ଗଲରେ ଶୁଟିଂ କରୁଥିଲୁ, ମୋ ସ୍ତ୍ରୀ ଟ୍ବିଙ୍କଲ ସେଟକୁ ଆସିଥିଲେ। ତେଣୁ, ମୋର ସମସ୍ତ କୌଶଳ ବ୍ୟାଗରୁ ବାହାର କରିବାକୁ ପଡିଲା, କାରଣ ୨୦ ବର୍ଷ ପରେ ମଧ୍ୟ ମୁଁ ତାଙ୍କୁ ପ୍ରଭାବିତ କରିବାକୁ ଚାହେଁ। ଯେହେତୁ ସେଟରେ ଅନ୍ୟ ପୁଅମାନେ ଥିଲେ, ମୋତେ ସେମାନଙ୍କ ଅପେକ୍ଷା ଅଧିକ ଷ୍ଟଣ୍ଟ କରିବାକୁ ପଡ଼ିଲା, ଯାହାଦ୍ୱାରା ଟ୍ବିଙ୍କ୍ଲ ପ୍ରଭାବିତ ହେବେ। ସୌଭାଗ୍ୟବଶତଃ ଟ୍ବିଙ୍କଲ ସବୁକିଛି ଲକ୍ଷ୍ୟ କଲେ, ତେଣୁ ମୋ ପରିଶ୍ରମ ସାର୍ଥକ ହେବାକୁ ଲାଗିଲା। ପରେ ଟ୍ବାଙ୍କଲ ନିଜ ଇନଷ୍ଟାଗ୍ରାମରେ ଲେଖିଛନ୍ତି, ମୁଁ ତୁମ ଉପରେ ପ୍ରଭାବିତ। ତୁମେ ଏବେ ଏହି ଷ୍ଟଣ୍ଟ କରିବା ବନ୍ଦ କରିବ କି? ସେ ଅନ୍ୟ ଏକ ପୋଷ୍ଟରେ ଲେଖିଛନ୍ତି, ଯେତେବେଳେ ସେ(ଅକ୍ଷୟ) କୋଠା ଏବଂ ବିମାନରୁ ଡେଇଁପଡ଼ନ୍ତି ମୁଁ ଭୟଭୀତ ହୁଏ। କଥାଟି ହେଉଛି, ସେ ତଥାପି ତାଙ୍କର ସମସ୍ତ ଷ୍ଟଣ୍ଟ ଅପେକ୍ଷା ମୋତେ ଅଧିକ ପ୍ରଭାବିତ କରନ୍ତି। ସୁରକ୍ଷିତ ରୁହନ୍ତୁ। ଏହି ଫିଲ୍ମ ଅଗଷ୍ଟ ୧୯ ରେ ବଡ ପରଦାରେ ୩ଡିରେ ମୁକ୍ତିଲାଭ କରୁଛି।
ରଣଜୀତ୍ ଏମ ତିୱାରୀଙ୍କ ନିର୍ଦ୍ଦେଶିତ ‘ବେଲବଟମ’ରେ ଅକ୍ଷୟ କୁମାରଙ୍କ ବ୍ୟତୀତ ଲାରା ଦତ୍ତ, ବାଣୀ କପୁର, ଆଦିଲ ହୁସେନ ଏବଂ ହୁମା କ୍ୟୁରେଶି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି।
