ମୁମ୍ବାଇ: ବଲିଉଡ୍ ଖିଲାଡି ବୟ ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ବେଲ ବଟମ’ ରିଲିଜ୍ ହେବା ପରେ ସବୁଠାରୁ ଏହାର ପ୍ରଶଂସା ଶୁଣିବାକୁ ମିଳୁଛି । କେହି କେହି ଏହାକୁ ବ୍ଲକ ବୁଷ୍ଟର କହୁଥିବା ବେଳେ ଏହା ଭଲ ବିଜନେସ୍ କରିବ ବୋଲି ଫିଲ୍ମ କ୍ରିଟିକମାନେ ଅନୁମାନ ଲଗାଇଛନ୍ତି । ହେଲେ ଏବେ କିଛି ଆରବ ଦେଶ ଏହାକୁ ବ୍ୟାନ କରି ଦେଇଛନ୍ତି । ସେଥିମଧ୍ୟରେ ରହିଛନ୍ତି ସୌଦି ଆରବ, କତାର ଓ କୁଏତ । ଏମାନଙ୍କର ଅଭିଯୋଗ ହେଲା କିଛି ସିନରେ ଏମାନଙ୍କୁ ଛୋଟ କରି ଦେଖାଯାଇଛି । ଫିଲ୍ମର ଅଧାରେ କେମିତି ଏକ ଏୟାରକ୍ରାପ୍ଟକୁ ହାଇଜ୍ୟାକ କରି ଲାହୋରରୁ ଦୁବଇ ନିଆଯାଇଛି ତାହା ଦର୍ଶାଯାଇଛି । ୧୯୮୪ରେ ହୋଇଥିବା ଏକ ସତ ଘଟଣା ଉପରେ ଏହା ଆଧାରିତ । ସେତେବେଳେ ୟୁଏଇର ଫୋର୍ସମାନେ ହାଇଜ୍ୟାକର୍ସଙ୍କୁ ନିଜ କବଜାକୁ ନେଇ ଯାଇଥିଲେ । ସେତେବେଳେ ସେଠାକାର ପ୍ରତିରକ୍ଷା ମନ୍ତ୍ରୀ ମହମ୍ମଦ ବିନ ରସିଦ ସ୍ଥିତିକୁ ସମ୍ଭାଳିଥିଲେ । ଫିଲ୍ମରେ ଦେଖାଯାଇଛି କି କେମିତି ଏହି ସିକ୍ରେଟ ମିଶନକୁ ଭାରତୀୟ ଅଧିକାରୀ ଶେଷରେ ପହଞ୍ଚାଇଥିଲେ । ଯାହାର ସୂଚନା ଡିଫେନ୍ସ ମିନିଷ୍ଟରଙ୍କୁ ବି ନ ଥିଲା । କୁହାଯାଉଛି କି କାହାଣୀର ଏହି ଟୁଇଷ୍ଟକୁ ନେଇ ଆରବ ଦେଶର ସେନସର ବୋର୍ଡ ଫିଲ୍ମକୁ ରିଲିଜ୍ କରିବାକୁ ଦେଉ ନାହାନ୍ତି ।
