ମୁମ୍ବାଇ: ଜଣାଶୁଣା ବଲିଉଡ୍ ଅଭିନେତା ତଥା ଖିଲାଡ଼ି ବୟ ଅକ୍ଷୟ କୁମାର ବାପା ହେବାକୁ ଯାଉଛନ୍ତି। ତାଙ୍କ ଅଭିନେତ୍ରୀ ତଥା ଲେଖିକା ସ୍ତ୍ରୀ ଟ୍ବିଙ୍କଲ୍ ଖାନ୍ନା ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି ଯାହାକୁ ନେଇ ବହୁତ ଚର୍ଚ୍ଚା ହେଉଛି। ଟ୍ବିଙ୍କଲ୍ ସୋସିଆଲ ବହୁତ ସକ୍ରିୟ ଅଟନ୍ତି। ତାଙ୍କ ଇନ୍ଷ୍ଟାଗ୍ରାମରେ ପ୍ରାୟ ୮ ମିଲିୟନ ଫଲୋଅର୍ସ ଅଛନ୍ତି। ସେ ପ୍ରତିଦିନ ତାଙ୍କ ପ୍ରଶଂସକଙ୍କ ସହିତ ଫଟୋ ଏବଂ ଭିଡିଓ ଶେୟାର କରିଥା’ନ୍ତି। ନିକଟରେ ସେ ଏକ ପୋଷ୍ଟ କରିଛନ୍ତି ଯାହାକୁ ନେଇ ଖୁବ୍ ଚର୍ଚ୍ଚା।
ଟ୍ବିଙ୍କଲ୍ ତାଙ୍କ ଇନ୍ଷ୍ଟାଗ୍ରାମ ପୋଷ୍ଟରେ ତାଙ୍କର ଗୋଟିଏ ସମସ୍ୟା ବିଷୟରେ କହିଛନ୍ତି। କିନ୍ତୁ ଏହା ପରେ ଟ୍ବିଙ୍କଲ୍ଙ୍କ ୫୦ ବର୍ଷ ବୟସରେ ଗର୍ଭବତୀ ହେବାକୁ ଯାଉଛନ୍ତି କି ନାହିଁ ବୋଲି କଳ୍ପନାଜଳ୍ପନା ଆରମ୍ଭ ହୋଇଛି। ତେବେ ଅକ୍ଷୟ କୁମାର ୫୬ ବର୍ଷ ବୟସରେ ପିତା ହେବାକୁ ଯାଉଛନ୍ତି। ଯଦିଓ ଦୁହେଁ ଏନେଇ କିଛି ଖୋଲିକି କହିନାହାନ୍ତି।
ଅକ୍ଷୟ କୁମାର ଏବଂ ଟ୍ବିଙ୍କଲ୍ କିଛି ସମୟ ଡେଟିଂ କରିବା ପରେ ବିବାହ କରିଥିଲେ। ଜାନୁଆରୀ ୨୦୦୧ରେ ଏହି ଦମ୍ପତି ବିବାହ କରିଥିଲେ। ଏହି ପାଓ୍ବାର ଦମ୍ପତି ବିବାହର ୨୩ ବର୍ଷ ପୂରଣ କରିଛନ୍ତି। ଅକ୍ଷୟ କୁମାର ଏବଂ ଟ୍ବିଙ୍କଲ୍ଙ୍କ ଯୋଡି ବଲିଉଡ୍ର ପ୍ରସିଦ୍ଧ ଦମ୍ପତିଙ୍କ ମଧ୍ୟରେ ଅନ୍ୟତମ। ଉଭୟ ସେଲିବ୍ରିଟି ଦୁଇ ସନ୍ତାନର ମାତାପିତା ଅଟନ୍ତି। ଏହି ଦମ୍ପତିଙ୍କର ଏକ ପୁଅ ଆରବ କୁମାର ଏବଂ ଗୋଟିଏ ଝିଅ ନିତାରା କୁମାର ଅଛନ୍ତି। ଆରବ ୨୦୦୨ରେ ଏବଂ ନିତାରା ୨୦୧୨ରେ ଜନ୍ମଗ୍ରହଣ କରିଥିଲେ।
