ମୁମ୍ବାଇ: ବଲିଉଡ ଖିଲାଡି ବୟ ଅକ୍ଷୟ କୁମାର ଏବେ ଚର୍ଚ୍ଚାରେ । ନିକଟରେ ରିଲିଜ୍ ହୋଇଛି ତାଙ୍କ ଅଭିନୀତ ମୁଭି ‘ସେଲଫି’ । ୨୪ ଫେବୃୟାରୀରେ ଏହା ରିଲିଜ୍ ହୋଇଥିବା ବେଳେ ପ୍ରଥମ ଦିନ ଏହାର ଆୟ ଥିଲା ୨.୫୫ କୋଟି । ଏହାପରେ କିଛି ମିଡିଆ ରିପୋର୍ଟରେ ଫିଲ୍ମକୁ ଫ୍ଲପ ବୋଲି କୁହାଗଲା । ଏହାରି ଭିତରେ ଅକ୍ଷୟ କୁମାରଙ୍କ ଏକ ସାକ୍ଷାତକାର ଏବେ ଭାଇରାଲ ହେବାରେ ଲାଗିଛି । ଏହି ସାକ୍ଷାତ୍କାରରେ ସେ ଫିଲ୍ମ ଫ୍ଲପ ହେବାର କାରଣ କହିଛନ୍ତି ।
ଚର୍ଚ୍ଚାରେ ରହିଥିବା ଅକ୍ଷୟଙ୍କ ସାକ୍ଷାତକାରରେ ସେ ମୁଭି ଫ୍ଲପ ହେବାକୁ ନେଇ ବହୁତ କିଛି କଥା କହିଛନ୍ତି । ସେ କହିଛନ୍ତି ମୋର କିଛି ମୁଭି ବକ୍ସ ଅଫିସରେ ଚାଲିପାରି ନାହିଁ । ପ୍ରାୟ ୪-୫ ଟି ମୁଭି ବକ୍ସ ଅଫିସରେ ଫ୍ଲପ ହୋଇଛି । ଏଥିରେ ଭୁଲ ଆଉ କାହାର ନୁହେଁ ବରଂ ମୋର । କାରଣ ଦର୍ଶକେ ଏବେ ପରିବର୍ତ୍ତନ ଚାହୁଁଛନ୍ତି । ଚଳଚ୍ଚିତ୍ରରେ ଆଉ କିଛି ଦେଖିବାକୁ ଚାହୁଁଛନ୍ତି । ତେଣୁ ଏଥିପାଇଁ ବହୁତ କିଛି ପରିବର୍ତ୍ତନ ଆବଶ୍ୟକ ରହିଛି । ଯେଉଁଥିପାଇଁ ମୁଁ ଚେଷ୍ଟା କରୁଛି ।