ମୁମ୍ବାଇ: ଫିଲ୍ମ ‘ହେରା ଫେରି ୩’ ଦର୍ଶକ ଅପେକ୍ଷା କରି ରହିଛନ୍ତି। ଏହି ସମୟରେ ଫିଲ୍ମକୁ ନେଇ ଏକ ଖବର ସାମ୍ନାକୁ ଆସିଛି। ବାସ୍ତବରେ, ‘ଭୁଲ ଭୁଲେୟା ୨’ ପରେ ‘ହେରା ଫେରି ୩’ରେ ଅକ୍ଷୟ କୁମାରଙ୍କ ସ୍ଥାନରେ କାର୍ତ୍ତିକ ଆର୍ୟ୍ୟନ ନଜର ଆସିବେ ବୋଲି ଶୁଣିବାକୁ ମିଳୁଥିଲା। ବର୍ତ୍ତମାନ ଏହି ଚର୍ଚ୍ଚା ଉପରେ ଅନ୍ତ ଘଟିଛି। ତେବେ ଫିଲ୍ମର ତୃତୀୟ ସିକ୍ୱେଲରେ ମଧ୍ୟ ଅକ୍ଷୟ କୁମାରଙ୍କୁ ରାଜୁ ଭୂମିକାରେ ଦେଖିବାକୁ ପାଇବେ ଦର୍ଶକ। ଏଥି ସହିତ ‘ହେରା ଫେରି ୩’ ର ନିର୍ଦ୍ଦେଶନା ଆନିଜ ବାଜମି ନୁହେଁ ବରଂ ଫରହାଦ ସାମଜୀ କରିବେ ବୋଲି ଜଣାପଡିଛି। ଫିଲ୍ମର ଶୁଟିଂ ମଧ୍ୟ ଆରମ୍ଭ ହୋଇଛି। ତେବେ କିଛି ଦିନ ପୂର୍ବରୁ ଅକ୍ଷୟ କୁମାର ଏହାର ସ୍କ୍ରିପ୍ଟକୁ ପସନ୍ଦ କରନ୍ତି ନାହିଁ ବୋଲି କହି ଫିଲ୍ମରୁ ବାଦ୍ ପଡିଥିଲେ।