କାବୁଲ,୩୧ ।୮: ଆଫଗାନିସ୍ତାନରୁ ଆମେରିକା ସେନା ହଟିବା ପରେ ଏହା ସମ୍ପୂର୍ଣ୍ଣ ଭାବେ ତାଲିବାନ ହାତକୁ ଆସିଯିବା ପରେ ଏବେ କୁଖ୍ୟାତ ଆତଙ୍କବାଦୀଙ୍କ ଘର ଲେଉଟାଣି ହୋଇଛି ବୋଲି କୁହାଯାଉଛି । ଆଫଗାନିସ୍ତାନରେ ଅଲ-କାଏଦାର ମୁଖ୍ୟ ନେତା ଅମିନ-ଉଲ-ହକ ଏବେ ତାଙ୍କ ନିଜ ଘର ନାଙ୍ଗରହାର ଅଞ୍ଚଳରେ ଥିବା ଘରକୁ ଫେରି ଆସିଛନ୍ତି । ସେ ଅଲ-କାଏଦାର ପୂର୍ବତନ ମୁଖ୍ୟ ଓସାମା ବିନ ଲାଦେନଙ୍କର ସହଯୋଗୀ ଥିଲେ । ୨୦୧୧ରେ ଆମେରିକା ଓସାମା ବିନ ଲାଦେନଙ୍କୁ ପାକିସ୍ତାନର ଏବଟାବାଦରେ ହତ୍ୟା କରିଥିଲା । ୨୦ ବର୍ଷ ପରେ ବି ଓସାମାଙ୍କଏହ ସହଯୋଗୀ ତଥା ଆର୍ମ ସପ୍ଲାୟର ଅମିନ-ଉଲ-ହକଙ୍କର ଲୋକପ୍ରିୟତା କମ ହୋଇନାହିଁ । କାରଣ ସେ ଯେତେବେଳେ ଆଫଗାନିସ୍ତାନ ମାଟିରେ ପାଦଦେଲେ ସେତେବେଳେ ସମର୍ଥକମାନେ ତାଙ୍କ ଗାଡି ଚାରିପଟ ରୁଣ୍ଡ ହୋଇଯିବା ସହ ତାଙ୍କ ସହ ଫଟୋ ଉଠାଇବା ଆରମ୍ଭ କରି ଦେଇଥିଲେ । ଆଉ ଅମିନ ଗାଡି ଭିତରେ ରହି ସମସ୍ତଙ୍କ ଶୁଭେଚ୍ଛା ସ୍ୱିକାର କରିଥିଲେ । ଏଥିରେ କେତେଜଣ ତାଲିବାନ ଆତଙ୍କବାଦୀଙ୍କୁ ବି ଦେଖିବାକୁ ମିଳିଥିଲା ।
