ମୋଗାଦିସୁ,୨୦ ।୮: ସୋମାଲିଆର ମୋଗାଦିସୁରେ ଆତଙ୍କବାଦୀ ସଙ୍ଗଠନ ଅଲ-ଶବାବର ବନ୍ଧୁକଧାରୀମାନେ ଏକ ହୋଟେଲ ଉପରେ ଆକ୍ରମଣ କରିଛନ୍ତି । ଏଥିରେ ୨ ଜଣ ସୁରକ୍ଷା ଅଧିକାରୀ ଆହତ ହୋଇଥିବା ସୂଚନା ମିଳିଛି । ଏହାସହ କେତେଜଣଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ଗଣମାଧ୍ୟମ ସୂଚନା ଅନୁଯାୟୀ, ଆକ୍ରମଣ ସୋମାଲିଆର ରାଜଧାନୀ ମୋଗାଦିସୁର ହୟାତ ହୋଟେଲରେ ହୋଇଛି । ସୁରକ୍ଷା ସୂତ୍ର ଓ ପ୍ରତ୍ୟେକ୍ଷଦର୍ଶୀଙ୍କ କହିବା କଥା ଅଲ-ଶବାବର ଆତଙ୍କବାଦୀମାନେ ଶୁକ୍ରବାର ସୋମାଲିଆର ରାଜଧାନୀ ମୋଗାଦିସୁର ହୟାତ ହୋଟେଲରେ ଗୁଳି ଚଳାଇବା ସହ ବିସ୍ଫୋରଣ କରିଥିଲେ । ଯେଉଁଥିରେ କେତେଜଣ ଲୋକଙ୍କ ମୃତ୍ୟୁ ହେବା ସହ କେତେକ ଆହତ ହୋଇଥାଇ ପାରନ୍ତି ବୋଲି କୁହାଯାଉଛି । ସୂଚନାଯୋଗ୍ୟ, ଅଲ-କାଏଦା ସହ ସମ୍ପର୍କ ଥିବା ଅଲ-ଶବାବର ସଦସ୍ୟ ଜୋର ଜବରଦସ୍ତ ହୋଟେଲରେ ପଶି ଯାଇଥିଲେ ଓ ବେପରୁଆ ଭାବେ ଲୋକଙ୍କ ମଧ୍ୟରେ ଗୁଳି ବର୍ଷଣ ଆରମ୍ଭ କରି ଦେଇଥିଲ ।
