ଲଣ୍ଡନ, ୧୪ା୧୦ ଇଂଲଣ୍ଡର ପୂର୍ବତନ ଅଧିନାୟକ ତଥା ଓପନର ବ୍ୟାଟର ଆଲଷ୍ଟର କୁକ୍ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ୨୦୧୮ରୁ ଟେଷ୍ଟ କ୍ରିକେଟରୁ ଅବସର ଗ୍ରହଣ କରିଥିଲେ ମଧ୍ୟ କାଉଣ୍ଟି କ୍ରିକେଟ ଖେଳିବା ଜାରି ରଖିଥିଲେ। ତେବେ ଦୀର୍ଘ ୫ ବର୍ଷ ଧରି ଏସେକ୍ସ ପକ୍ଷରୁ କାଉଣ୍ଟି ଖେଳିବା ପରେ ଶୁକ୍ରବାର ଅବସର ଗ୍ରହଣ କରିଛନ୍ତି। ଅନ୍ତର୍ଜାତୀୟ କ୍ୟାରିୟରରେ କୁକ୍ ୧୬୧ ଟେଷ୍ଟ ଖେଳିଥିବା ବେଳେ ଏଥି ମଧ୍ୟରୁ ୫୯ ଟେଷ୍ଟରେ ଅଧିନାୟକତ୍ୱ କରିଛନ୍ତି। ୩୩ ଶତକ ଓ ୫୭ ଅର୍ଦ୍ଧଶତକ ସହିତ ସେ ୧୨,୪୭୨ ରନ୍ ସ୍କୋର କରିଛନ୍ତି। ଇଂଲଣ୍ଡ ଖେଳାଳିଙ୍କ ମଧ୍ୟରେ କୁକ୍ ସର୍ବାଧିକ ଶତକ ହାସଲ କରିଛନ୍ତି। ୯୨ ଦିନିକିଆରେ ସେ ୫ ଶତକ ଓ ୧୯ ଅର୍ଦ୍ଧଶତକ ସହିତ ସେ ୩୨୦୪ ରନ୍ ସ୍କୋର କରିଛନ୍ତି।