ସ୍ୱାସ୍ଥ୍ୟ ବିଶେଷଜ୍ଞଙ୍କ ମତ ଅନୁଯାୟୀ, ଯେଉଁମାନେ କୋଭିଡ-୧୯ ଭ୍ୟାକ୍ସିନ ବା ଟିକା ନେଉଛନ୍ତି ସେମାନେ ମଦ ପିଇବା ଉଚିତ ନୁହେଁ । କାରଣ ମଦ ଶରୀରର ରୋଗ ପ୍ରତିରୋଧ କ୍ଷମତାକୁ କମ କରିବା ସହ ଟିକାର ପ୍ରଭାବରେ ବାଧା ସୃଷ୍ଟି କରିପାରେ । ତେଣୁ କୁହାଯାଏ ଯେ କୌଣସି ଟିକାର ପ୍ରବାଭକୁ ମଦ, ଧୁମ୍ରପାନ ଆଦି କମ୍ କରି ଦେଇଥାଏ । ତେଣୁ ଟିକା ନେବା ସମୟରେ ଏହାକୁ ଗ୍ରହଣ କରିବା ଅନୁଚିତ । ତା’ ସହ ଅତ୍ୟଧିକ ମଦ୍ୟାପନ ଶରୀରର ରୋଗ ପ୍ରତିରୋଧକ ଶକ୍ତି କମ କରିଥାଏ । ସତୀଶ କୁମାର କୌଲ, ଏଚଓଡି ତଥା ନିର୍ଦ୍ଦେଶକ, ଇଣ୍ଟରନାଲ ମେଡିସିନ ନାରାୟଣ ହସ୍ପିଟାଲ ଗୁରୁଗ୍ରାମ, କୁହନ୍ତି ଟିକା ନେବା ସମୟରେ ମଦ୍ୟପାନ କ୍ଷତିକାରକ । ସେହିପରି ଜଣେ ରୁଷିୟ ବିଶେଷଜ୍ଞ ମଧ୍ୟ ସ୍ପୁଟନିକ-ବି ଭ୍ୟାକ୍ସିନ ନେବା ପରେ ୨ ମାସ ପର୍ଯ୍ୟନ୍ତ ମଦଠାରୁୁ ଦୂରେଇ ରହିବାକୁ ଲୋକମାନଙ୍କୁ କହିଥିଲେ । ଅନ୍ୟପଟେ ଟିକା ପ୍ରସ୍ତୁତକାରୀ କମ୍ପାନୀ ମଧ୍ୟ ଟିକା ନେବା ପରେ ମଦଠାରୁ ଦୂରେଇ ରହିବାକୁ ସୂଚନା ଦେଇଛି । ଉଭୟ ପ୍ରଥମ ଓ ଦ୍ୱିତୀୟ ଡୋଜ ନେବା ପର୍ଯ୍ୟନ୍ତ ଓ ଏହାପରେ ଆଉ କିଛିଦିନ ପର୍ଯ୍ୟନ୍ତ ମଦ ପିଇବା ଉଚିତ ନୁହେଁ ବୋଲି ବିଶେଷଜ୍ଞମାନେ କହିଛନ୍ତି ।