ଦେଓଗାଁ,୨୦।୧୦(ଡି.ଏନ.ଏ)
ବଲାଙ୍ଗୀର ଜିଲା ଦେଓଗାଁ ଥାନା ଅନ୍ତର୍ଗତ ସାଗରପାଲିରେ ବେଆଇନ ଭାବେ ଦେଶୀ ବିଦେଶୀ ମଦ ବିକ୍ରି ଚାଲିଛି । ଏହାର ପ୍ରତିବାଦରେ ସ୍ଥାନୀୟ ମହିଳାମାନେ ସୋମବାର ସନ୍ଧ୍ୟାରେ ଦେଓଗାଁ ଥାନାକୁ ଘେରାଉ କରିଛନ୍ତି । ଏହାସହ ସେମାନେ ସାଗରପାଲି ଗ୍ରାମରେ ମଦ ବିକ୍ରି ଉପରେ ଅଙ୍କୁୁଶ ଲଗାଇବା ପାଇଁ ଥାନାଧିକାରୀଙ୍କ ନିକଟରେ ଦାବି କରିଛନ୍ତି ।
ମହିଳାଙ୍କ ଅଭିଯୋଗ ଅନୁସାରେ, ଗାଁରେ ମଦ କୁଚିଆମାନେ ବେଆଇନ ଭାବେ ମଦ ବିକ୍ରି କରୁଥିବାରୁ ଅନେକ ପରିବାର ତଳିତଳାନ୍ତ ହୋଇଯାଉଥିବା ବେଳେ କମ୍ ବୟସର ପିଲାମାନେ ପଥଭ୍ରଷ୍ଟ ହେବାରେ ଲାଗିଛନ୍ତି । ବର୍ତ୍ତମାନ କରୋନା କଟକଣା ଯୋଗୁ ସମସ୍ତ ସ୍କୁଲ, କଲେଜ ବନ୍ଦ ରହିଥିବା ବେଳେ ଖୁଲମଖୁଲା ମଦ ବିକ୍ରି ସେମାନଙ୍କ ଉପରେ ବିଶେଷ ପ୍ରଭାବ ପକାଉଛି । ଅନ୍ୟପଟେ ଅସାମାଜିକ କାର୍ଯ୍ୟକଳାପ ଯୋଗୁ ମହିଳା ଓ ଯୁବତୀ ମାନେ ନିଜକୁ ସୁରକ୍ଷିତ ମଣୁନାହାନ୍ତି । ଅନେକ ବ୍ୟକ୍ତି ଅପମିଶ୍ରଣ ମଦ ପିଇ ରୋଗଗ୍ରସ୍ତ ହୋଇପଡୁଛନ୍ତି । ଏଣୁ ମଦ ବିକ୍ରି ଉପରେ ତୁରନ୍ତ ଅଙ୍କୁଶ ଲଗା ନ ଗଲେ ଗାଁରେ ଅପ୍ରୀତିକର ପରିସ୍ଥିତି ସୃଷ୍ଟି ହେବ ବୋଲି ମହିଳାମାନେ କହିଛନ୍ତି ।
ଫଟୋ-ସାଗରପାଲିରେ ବେଆଇନଭାବେ ମଦ ବିକ୍ରିକୁ ନେଇ ମହିଳାମାନେ ଥାନାରେ ଅଭିଯୋଗ କରୁଛନ୍ତି ା
