ଲଣ୍ଡନ,୮।୮: ମଲ୍ଟି ନ୍ୟାଶନାଲ ଟେକ୍ନୋଲଜି କମ୍ପାନୀ ଆମାଜନ୍ ଇକୋ ଡିଭାଇସ୍ ଆଲେକ୍ସାର ଆଉ ଏକ ନାମ ବା ଓ୍ବେକ୍ ଓ୍ବାର୍ଡ ସ୍ଥିର କରିଛି। ଏହି ନୂଆ ଓ୍ବେକ୍ ଓ୍ବାର୍ଡଟି ହେଉଛି ‘ଜିଗି’। ଇକୋ ଡିଭାଇସ୍ ଆଲେକ୍ସାର ଏହା ହେଉଛି ପଞ୍ଚମ ଓ୍ବେକ୍ ଓ୍ବାର୍ଡ । ପୂର୍ବରୁ ଏହି ଡିଭାଇସ୍ ପାଇଁ ଆଲେକ୍ସା, ଆମାଜନ୍, କମ୍ପ୍ୟୁଟର ଏବଂ ଇକୋ ଭଳି ଓ୍ବେକ୍ ଓ୍ବାର୍ଡ ରଖାଯାଇଛି। ଆଲେକ୍ସା ଆପ୍ ଏବଂ ଇକୋ ଶୋ’ ଡିଭାଇସ୍ର ସେଟିଙ୍ଗ୍ ଅପ୍ସନ୍କୁ ଯାଇ ଗ୍ରାହକମାନେ ନୂଆ ଓ୍ବେକ୍ ଓ୍ବାର୍ଡ ଜିଗି ସେଟ୍ କରିପାରିବେ। ଆଲେକ୍ସାର ଓ୍ବେକ୍ ଓ୍ବାର୍ଡ ପାଇଁ ଉଭୟ ମହିଳା ଓ ପୁରୁଷଙ୍କ ଭଏସ୍କୁ ବ୍ୟବହାର କରାଯାଇପାରିବ। ଗ୍ରାହକମାନଙ୍କ ସୁବିଧାକୁ ଦୃଷ୍ଟିରେରଖି କମ୍ପାନୀ ପକ୍ଷରୁ ଏକାଧିକ ଓ୍ବେକ୍ ଓ୍ବାର୍ଡ ବିକଶିତ କରାଯାଉଥିବା ଆଲେକ୍ସା ୟୁକେ କଣ୍ଟ୍ରି ମ୍ୟାନେଜର ଡେନିସ୍ ଷ୍ଟାନ୍ସବରି କହିଛନ୍ତି। ଆଲେକ୍ସା ପାଇଁ ଓ୍ବେକ୍ ଓ୍ବାର୍ଡଗୁଡ଼ିକ ଗୁରୁତ୍ୱପୂର୍ଣ୍ଣ। ଇକୋ ଡିଭାଇସ୍କୁ କାର୍ଯ୍ୟକାରୀ କରିବା ପାଇଁ ଏହାର ବ୍ୟବହାର କରାଯାଇଥାଏ।