ମୁମ୍ବାଇ: ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟଙ୍କ ସମୟ ଏବେ ଭଲ ଚାଲିନାହିଁ । କିଛିଦିନ ହେଲା ସୋସିଆଲ ମିଡିଆରେ ଟ୍ରୋଲ ହୋଇଥିବା ଆଲିଆ ଖୁବ୍ ଚାପଗ୍ରସ୍ତ ରହୁଥିବା ଦେଖାଯାଇଥିଲା । ଏମିତିକି ଲକ୍ଡାଉନ ସମୟରେ ମଧ୍ୟ ତାଙ୍କ ସମୟ ଭଲରେ କଟି ନ ଥିବା କୁହାଯାଏ । ତାଙ୍କ ଅଭିନୀତ ଫିଲ୍ମ ‘ସଡ଼କ-୨’କୁ ବିରୋଧ କରାଯିବା ବି ତାଙ୍କ ପାଇଁ ଏକ ନେଗେଟିଭ ପଏଣ୍ଟ ଥିଲା । ଏବେ ଏହି ଅଭିନେତ୍ରୀ ସୋସିଆଲ ମିଡିଆରେ ଏକ ଫଟୋ ଅପଲୋଡ କରି ଅତୀତକୁ ମନେ ପକାଇଛନ୍ତି । ଯେଉଁଥିରେ ଦେଖିବାକୁ ମିଳିଛି ଆଲିଆ ମୁହଁରେ ଫେସ୍ ମାସ୍କ ଲଗାଇ ଘାସ ଗାଲିଚାରେ ଶୋଇଛନ୍ତି । ଏହି ଫଟୋ ସହ ସେ କ୍ୟାପଶନରେ ଲେଖିଛନ୍ତି, ଅତୀତ ଏମିତି ଥିଲା ଯେତେବେଳେ ଲୋକେ ସ୍କିନର ଯତ୍ନ ନେବାକୁ ଫେସ୍ ମାସ୍କ ଲଗାଉଥିଲେ । ଆଉ ସେତେବେଳେ ଲୋକେ ଦୟାଳୁ ଥିଲେ । ଆଲିଆଙ୍କ ଏହି ଫଟୋରେ ଇଶାନ ଖଟ୍ଟର ଓ ନିତୁ ସିଂ କମେଣ୍ଟ କରିଛନ୍ତି । ଏହାସହ ତାଙ୍କର କେତେଜଣ ଫ୍ୟାନ୍ସ କହିଛନ୍ତି ପଜିଟିଭ ରୁହ । ଆଉ କେତେଜଣ ଆଲିଆଙ୍କର ପ୍ରଶଂସା କରିଛନ୍ତି । ଆଲିଆଙ୍କ ହାତରେ ଏବେ ସେମିତି କିଛି ବଡ ପ୍ରୋଜେକ୍ଟ ନ ଥିବା ବେଳେ ଏବେ ଆଗକୁ ସେ ଏସ୍ ଏସ୍ ରାଜାମୌଳିଙ୍କ ଫିଲ୍ମ ଆର୍ଆର୍ଆର୍ରେ ନଜର ଆସିବେ ବୋଲି ଜଣାପଡିଛି ।
