ମୁମ୍ବାଇ: ବଲଉଡ ନାୟିକା ଆଲିଆ ଭଟ୍ଟ ଏବେ ତାଙ୍କର ପ୍ରଥମ ହଲିଉଡ ମୁଭିର ଶୁଟିଂରେ ବିଜି ଅଛନ୍ତି । ଏହି ସମୟରେ ସେ ତାଙ୍କ ପରିବାରକୁ ଖୁବ୍ ମିସ୍ କରୁଛନ୍ତି । ହେଲେ ବିଦେଶରେ ଥାଇ ବି ସୋମବାର ସକାଳ ତାଙ୍କ ପାଇଁ ଅଲଗା ଖୁସି ଆଣିଦେଇଥିବା ଦେଖାଯାଇଛି । ଆଲିଆ ସୋମବାର ସକାଳେ ତାଙ୍କ ଅଫିସିୟାଲ ଇନଷ୍ଟାଗ୍ରାମରେ ପତି ରଣବୀର କପୁରଙ୍କ ଅପକମିଂ ଫିଲ୍ମ ‘ଶମଶେରା’ର ପୋଷ୍ଟର ଶେୟାର କରିଛନ୍ତି, ଯେଉଁଥିରେ ରଣବୀରଙ୍କ ଲୁକ୍ସ ଜବରଦସ୍ତ ଲାଗୁଛି ।
ଫିଲ୍ମର ପୋଷ୍ଟର ଶେୟାର କରି ଆଲିଆ ଲେଖିଛନ୍ତି, ଅବ ୟେ ହୈ ହଟ ମର୍ଣ୍ଣିଂ ଅର୍ଥାତ୍ ଗୁଡ ମର୍ଣ୍ଣିଂ.. । ଫିଲ୍ମର ପୋଷ୍ଟର ସହ ଏହାର ରିଲିଜ ଡେଟ ସମ୍ପର୍କରେ ବି ସୂଚନା ଦିଆଯାଇଛି । ପୋଷ୍ଟରରେ ରଣବୀର ଲମ୍ବା ଲମ୍ବା କେଶ ରଖି ହାତରେ ଓଜାରା ଧରିଥିବା ଦେଖାଯାଇଛି । ରଣବୀରଙ୍କ ଜବରଦସ୍ତ ଲୁକ୍ ପ୍ରଶଂସକଙ୍କୁ ଦିୱାନା କରିଛି । ଆସନ୍ତା ଜୁଲାଇ ୨୨ରେ ଏହା ରିଲଜ୍ ହେବ ବୋଲି ଜଣାପଡିଛି । ହିନ୍ଦୀ ବ୍ୟତୀତ ଫିଲ୍ମ ‘ଶମଶେରା’ ତାମିଲ ଓ ତେଲଗୁ ଭାଷାରେ ବି ରିଲିଜ କରାଯିବ ।
