ମୁମ୍ବାଇ: ବଲିଉଡ୍ର ଆଗ ଧାଡିର ନାୟିକା ଆଲିଆ ଭଟ୍ଟ ଏବେ ପ୍ରଯୋଜନା କ୍ଷେତ୍ରରେ ପାଦ ରଖିଛନ୍ତି । ନିଜ ପ୍ରଡକସନ୍ ହାଉସ୍ ବ୍ୟାନରରେ ମୁଭି ଡାର୍ଲଂସ୍ ଶୁଟିଂ ଆରମ୍ଭ କରିଛନ୍ତି ଆଲିଆ । ଏହା ମାଧ୍ୟମରେ ଆଲିଆ ପ୍ରଯୋଜିକା ଭାବେ ଡେବ୍ୟୁ କରିଛନ୍ତି । ତାଙ୍କ ସହ ଶାହାରୁଖ ଖାଁଙ୍କ ରେଡ ଚିଲି ଏଣ୍ଟରଟେନମେଣ୍ଟ ଏହାର ପ୍ରଯୋଜନା କରୁଛି । ଫଟୋ ଶେୟାର କରି ଆଲିଆ ଏହି ସୂଚନା ଦେଇଛନ୍ତି । ଏକ ବ୍ଲାକ ଆଣ୍ଡ ହ୍ୱାଇଟ୍ ଫଟୋରେ ଅଭିନେତ୍ରୀ ସ୍କ୍ରିପ୍ଟ ପଢୁଥିବାର ଦେଖାଯାଇଛି । ତେବେ ସେ ପ୍ରଥମେ ଜଣେ ଅଭିନେତ୍ରୀ ଓ ପରେ ଜଣେ ପ୍ରଯୋଜିକ ବୋଲି କହିଛନ୍ତି । ଏହାସହ ପ୍ରଯୋଜିକା ଭାବେ ସେ ସମସ୍ତଙ୍କ ଶୁଭକାମନା ଆଶା କରିଛନ୍ତି । ଆଲିଆଙ୍କ ଏହି ପୋଷ୍ଟ ଦେଖିବା ପରେ ବହୁ ସେଲିବ୍ରିଟି ତାଙ୍କୁ ଅଭିନନ୍ଦନ ଜଣାଇଛନ୍ତି ।