ମୁମ୍ବାଇ: ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ ଅନ୍ସ୍କ୍ରିନ୍ ସହିତ ତାଙ୍କ ବ୍ୟକ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ସେ ତାଙ୍କର କୌଣସି ସମ୍ପର୍କ ହେଉ କିମ୍ବା ବ୍ରେକ୍ଅପ୍ ସବୁକଥା ଖୋଲାଖୋଲି ଭାବରେ ପ୍ରକାଶ କରିଥାନ୍ତି। ଆଲିଆ କିଛି ସମୟ ପୂର୍ବରୁ ତାଙ୍କ ଏକ୍ସ ବୟଫ୍ରେଣ୍ଡଙ୍କ ବିଷୟରେ କିଛି କଥା କହିଛନ୍ତି। ‘କଫି ଓ୍ବିଥ୍ କରଣ’ରେ ପହଞ୍ଚିଥିବା ଆଲିଆ କହିଛନ୍ତି ଯେ, ଭାଲେଣ୍ଟାଇନ୍ସ ଡେ’ରେ ତାଙ୍କ ଏକ୍ସ ବୟଫ୍ରେଣ୍ଡ ତାଙ୍କ ପାଇଁ ବିଶେଷ କିଛି କରିନାହାନ୍ତି। ଯାହାକି ତାଙ୍କୁ ବହୁତ କଷ୍ଟ ଦେଇଥିଲା।
ଆଲିଆ ଏବଂ ଅଭିନେତ୍ରୀ ପରିଣୀତି ଚୋପ୍ରା ‘କଫି ଓ୍ବିଥ୍ କରଣ’ ଶୋ’ରେ ପହଞ୍ଚିଥିଲେ। ଉଭୟ ଅଭିନେତ୍ରୀ ଅବିବାହିତ ଥିବା କହୁଥିବା ସମୟରେ ଆଲିଆ କହିଛନ୍ତି, ସେ ‘ନୂଆ ବର୍ଷ’ ଏବଂ ‘ଭାଲେଣ୍ଟାଇନ୍ସ ଡେ’କୁ ଭଲ ଭାବେ ଜାଣିଛନ୍ତି। ସେ କହିଥିଲେ, ଭାଲେଣ୍ଟାଇନ୍ସ ଡେ’ ବିଷୟରେ ତାଙ୍କର ଏତେଟା ଅଭିଜ୍ଞତା ନାହିଁ। କାରଣ ମୋ ଏକ୍ସ ବୟଫ୍ରେଣ୍ଡ ଭାଲେଣ୍ଟାଇନ୍ସ ଡେ’ରେ ମୋତେ ବାହାରକୁ ଆଣିଥିଲେ ସତ ମୋ ସହ ପୂରା ସମୟ କଥା ହୋଇ ନ ଥିଲେ। ପରେ ମୁଁ ଅନୁଭବ କରିଥିଲି ଯେ, ଏହି ଦିନଟି ମୋ ପାଇଁ କିଛି ବିଶେଷ ନୁହେଁ।
କହିରଖୁଛୁ, ଆଲିଆ ଏବଂ ରଣବୀର କପୁର ଦୀର୍ଘ ଦିନ ଧରି ପରସ୍ପରକୁ ଡେଟ୍ କରି ଆସୁଛନ୍ତି। ଉଭୟଙ୍କ ବିବାହକୁ ନେଇ ବଲିଉଡରେ ଚର୍ଚ୍ଚା ଚାଲିଛି। କୁହାଯାଉଛି କରୋନା ଯୋଗୁ ବିବାହ ତାରିଖ ସ୍ଥିର ହୋଇନାହିଁ। ଏଥି ସହିତ ଆଲିଆ-ରଣବୀର ଫିଲ୍ମ ‘ବ୍ରହ୍ମାସ୍ତ୍ର’ରେ ନଜର ଆସିବେ। ଆୟାନ ମୁଖାର୍ଜୀଙ୍କ ଏହି ଫିଲ୍ମରେ ଆଲିଆ ରଣବୀରଙ୍କ ବ୍ୟତୀତ ବିଗ୍-ବି ଅମିତାଭ ବଚ୍ଚନ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।