ଆଲିୟା ଭଟ୍ଟଙ୍କ ମୁହଁରେ ଏବେ ସଞ୍ଜୟ ଲୀଲା ଭଁସାଲିଙ୍କ ପ୍ରଶଂସା। ଏହାର କାରଣ ହେଉଛି ସଞ୍ଜୟଙ୍କ ନିର୍ଦ୍ଦେଶନାରେ ନିର୍ମାଣାଧୀନ ହିନ୍ଦୀ ସିନେମା ‘ଗାଙ୍ଗୁବାଈ କାଠିୟାଓ୍ବାଡି’ ସିନେମାରେ ଆଲିୟା ନାୟିକା ସାଜିଛନ୍ତି। ଏବେ ସେ ଯୁଆଡେ ଯାଉଛନ୍ତି ସଞ୍ଜୟଙ୍କୁ ପ୍ରଶଂସାରେ ପୋତି ପକାଉଛନ୍ତି। ‘ସଞ୍ଜୟ ଲୀଲା ଭଁସାଲିଙ୍କ ପରି ନାମୀ ନିର୍ଦ୍ଦେଶକଙ୍କ କ୍ୟାମ୍ପରେ କାମ କରିବା ଭାଗ୍ୟରେ ଥିଲେ ମିଳେ। ତାଙ୍କ ନିର୍ଦ୍ଦେଶିତ ପୂର୍ବ ସିନେମାଗୁଡିକୁ ମୁଁ ଅନେକ ଥର ଦେଖିଛି ଏବଂ ସେଥିରୁ ଅଭିନୟ ସମ୍ପର୍କରେ ଯାହା ଶିଖିଛି ତାହା ବର୍ଣ୍ଣନା କରିପାରିବି ନାହିଁ। ଏହି ଫିଲ୍ମର ଟାଇଟଲ ଭୂମିକାରେ ମୁଁ ଅଭିନୟ କରୁଛି। ପ୍ରଥମେ ଏହାକୁ କିପରି ତୁଲାଇବି ସେ ନେଇ ଦ୍ୱନ୍ଦ୍ୱରେ ପଡିଥିଲି। ହେଲେ ସଞ୍ଜୟଙ୍କ ଟିପ୍ସ ମୋ ମନରେ ବସା ବାନ୍ଧିଥିବା ସମସ୍ତ ସନ୍ଦେହକୁ ନିମିଷକ ମଧ୍ୟରେ ଦୂର କରିଦେଇଥିଲା। କରୋନା ପାଇଁ ଏହାର ଶୁଟିଂ ବନ୍ଦ ରହିଥିଲା। ଏହା ଖୁବ୍ଶୀଘ୍ର ଆରମ୍ଭ ହେବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଜଣାଇ ଦିଆଯାଇଛି। ପୁଣି ଗୋଟିଏ ରାଉଣ୍ଡ-ଅପ୍ରେ ଶୁଟିଂ ଶେଷ କରିବାକୁ ଯୋଜନା ରଖାଯାଇଛି। ଭବିଷ୍ୟତରେ ସଞ୍ଜୟଙ୍କ ନିର୍ଦ୍ଦେଶନାରେ କାମ କରିବାକୁ ମୋତେ ଅଫର ମିଳିଲେ ଆଦୌ ମନା କରିବି ନାହିଁ। ତେବେ ଏହି ଫିଲ୍ମଟି ଆଲିୟାଙ୍କ କ୍ୟାରିୟରକୁ କେତେ ମାଇଲେଜ ଦେଉଛି ତାହା ରିଲିଜ ପରେ ହିଁ ଜଣାପଡିବ।