ନୂଆଦିଲ୍ଲୀ,୧୩।୧: ଦେଶର ପ୍ରମୁଖ ମୃଦ୍ୟୁପାନୀୟ କମ୍ପାନୀ ‘ବ୍ଲେଣ୍ଡର୍ସ ପ୍ରାଇଡ୍’ ପକ୍ଷରୁ ଆଲିଆ ଭଟ୍ଟଙ୍କୁ ଏହାର ନୂଆ କ୍ୟାମ୍ପେନ୍ ଫିଲ୍ମ ‘ମେଡ୍ ଅଫ୍ ପ୍ରାଇଡ୍’ ପାଇଁ ବ୍ରାଣ୍ଡର ନୂଆ ଚେହେରା ଭାବେ ସ୍ବାଗତ କରାଯାଇଛି। ଏଥିରେ ଆଲିଆ ଭଟ୍ଟଙ୍କର କଦାପି ହାର ନ ମାନିବାର ପ୍ରେରଣାକୁ ଉପସ୍ଥାପିତ କରାଯାଇଛି। ଜଣେ ପ୍ରତିଭାବାନ ଅଭିନେତ୍ରୀ ନିଜର ପ୍ରତିଭା ବଳରେ ଏହି ଅଭିଯାନକୁ ଆହୁରି ସଶକ୍ତ ଓ ନିଜର ଦକ୍ଷତା ବଳରେ ଅତ୍ୟନ୍ତ ଚମତ୍କାର ଭାବେ ଏହି କ୍ୟାମ୍ପେନର ଉଦ୍ଦେଶ୍ୟକୁ ଉପସ୍ଥାପନ କରିଛନ୍ତି। ଏହି ବର୍ଗରେ ଲିଡର ବ୍ଲେଣ୍ଡର୍ସ ପ୍ରାଇଡ ନିଜର ଏକ ସ୍ବତନ୍ତ୍ର ସ୍ଥାନ ପ୍ରତିଷ୍ଠା କରିଛି। ଏହା ନିଜର ରିଫ୍ରେସିଂ ଟୋନ, ଉତ୍ସାହଜନକ କାର୍ଯ୍ୟ ଦ୍ୱାରା ଏକ ନୂତନ ଯାତ୍ରାର ଶୁଭାରମ୍ଭ କରିଛି। ବ୍ଲାକ୍ ଆଣ୍ଡ ହ୍ବାଇଟ ଛବିରୁ ଏହାକୁ କଲରଫୁଲ କରାଯାଇଛି, ଯାହାକି ବ୍ରାଣ୍ଡ ପାଇଁ ଏକ ଆକର୍ଷଣୀୟ ବିଷୟ ପାଲଟିଛି।
ଏହାର ପ୍ରିମିୟମ ମାନରେ ମଧ୍ୟ ବେଶ୍ ଉନ୍ନତି ଆସିଛି। ଏହି ଫିଲ୍ମ ମାଧ୍ୟମରେ ଦର୍ଶକମାନଙ୍କୁ ଏକ ସକାରାତ୍ମକ ଭାବନାର ବାର୍ତ୍ତା ପ୍ରଦାନ କରାଯାଇଛି। ଏହି ୩୬୦ ଡିଗ୍ରୀ ଇଣ୍ଟିଗ୍ରେଟେଡ୍ କ୍ୟାମ୍ପେନକୁ ଟିଭି, ଡିଜିଟାଲ, ପ୍ରିଣ୍ଟ ଏବଂ ଓଓଏଚ୍ରେ ଦେଖିବାକୁ ମିଳିବ ବୋଲି କୁହାଯାଇଛି।
ଏ ସମ୍ପର୍କରେ ପର୍ନଡ ରିକାର୍ଡ ଇଣ୍ଡିଆର ଚିଫ୍ ମାର୍କେଟିଂ ଅଫିସର କାର୍ତ୍ତିକ ମହିନ୍ଦ୍ରା କହିଛନ୍ତି, ଆଲିଆ ହେଉଛନ୍ତି ଆଜିର ଯୁବପିଢ଼ିଙ୍କ ପାଇଁ ଏକ ଜଣାଶୁଣା ଲୋକପ୍ରିୟ ଚେହେରା ଓ ବ୍ଲେଣ୍ଡର୍ସ ପ୍ରାଇଡ୍ ନୂତନ ଆମ୍ବାସାଡର ଭାବେ ଏକ ସର୍ବୋତ୍ତମ ପସନ୍ଦ। ଆମର ନୂତନ ଅଭିଯାନ ନିଜ ଉପରେ ବିଶ୍ୱାସ କରିବାକୁ ପ୍ରେରଣା ଯୋଗାଉଛି ଓ ଏଥିରେ ଆଲିଆଙ୍କର ଯୁବପିଢ଼ିଙ୍କ ପାଇଁ ବାର୍ତ୍ତା ପ୍ରଦାନ କରାଯାଇଛି। ସେହିଭଳି ଆଲିଆ ଭଟ୍ଟ କହିଛନ୍ତି, ବ୍ଲେଣ୍ଡର୍ସ ପ୍ରାଇଡ୍ର ‘ମେଡ୍ ଅଫ୍ ପ୍ରାଇଡ୍’ର ଅଭିଯାନରେ ସେ ସାମିଲ ହୋଇଥିବାରୁ ଅତ୍ୟନ୍ତ ଆନନ୍ଦିତ।