ଇସ୍ଲାମାବାଦ୍, ୧୧ା୧୧ (ଏପି)- ପାକିସ୍ତାନ କ୍ରିକେଟ ବୋର୍ଡ (ପିସିବି) ପ୍ରଥମ ଥର ଜଣେ ମହିଳା ନିର୍ଦ୍ଦେଶକଙ୍କୁ ନିଯୁକ୍ତି ଦେଇଛି। ପିସିବିର ୪ଜଣ ନୂଆ ନିର୍ଦ୍ଦେଶକଙ୍କ ମଧ୍ୟରେ ମାନବ ସମ୍ବଳ କାର୍ଯ୍ୟନିର୍ବାହୀ ଆଲିଆ ଜାଫର ଅନ୍ୟତମ। ଅନ୍ୟ ୩ଜଣ ହେଲେ ଫାଇନାନ୍ସ ଏକଜ୍ୟୁଟିଭ୍ ଜାଭେଦ୍ କୁରେଶି, ଇକୋନୋମିଷ୍ଟ ଅସିମ ଓ୍ବାଜିଦ୍ ଜାଓ୍ବାଦ ଏବଂ କର୍ପୋରେଟ୍ ଏକ୍ଜ୍ୟୁଟିଭ୍ ଅରିଫ୍ ସଇଦ୍। ଜାଫର ଓ ଜାଓ୍ବାଦଙ୍କ କାର୍ଯ୍ୟକାଳ ୨ ବର୍ଷ ରଖାଯାଇଛି। ବୋର୍ଡ ଅଫ୍ ଗଭରନର୍ସର ୪ ସ୍ବାଧୀନ ନିର୍ଦ୍ଦେଶକଙ୍କ ମଧ୍ୟରେ ଅତିକମ୍ରେ ଜଣେ ମହିଳାଙ୍କୁ ନିଯୁକ୍ତି ବାଧ୍ୟତାମୂଳକ ବୋଲି ପିସିବିର ନୂଆ ସମ୍ବିଧାନରେ ବ୍ୟବସ୍ଥା ରହିଛି। ଦେଶର ପ୍ରଥମଶ୍ରେଣୀ କ୍ରିକେଟରେ ଏଣିକି କେବଳ ୬ଟି ପ୍ରାଦେଶିକ ଟିମ୍ ବେଲୁଚିସ୍ତାନ, ସେଣ୍ଟ୍ରାଲ ପଞ୍ଜାବ, ସଦର୍ନ ପଞ୍ଜାବ, ଖାଇବର ପାଖତୁନଖ୍ବା, ସିନ୍ଧ୍ ଓ ନର୍ଦନ ଅଂଶଗ୍ରହଣ କରିବେ। ପାକିସ୍ତାନରେ ୫୦ ବର୍ଷରୁ ଅଧିକ ସମୟ ଧରି ସହର ଭିତ୍ତିକ ଦଳ ସହ ବ୍ୟାଙ୍କଗୁଡ଼ିକ ପ୍ରଥମଶ୍ରେଣୀ ଟୁର୍ନାମେଣ୍ଟଗୁଡ଼ିକରେ ଭାଗନେଇ ଆସୁଥିଲେ।
