ଅଭିନେତ୍ରୀ ଆଲିଆ ଭଟ୍ଟ ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ନେଇ ଚର୍ଚ୍ଚାରେ ରୁହନ୍ତି। ନିକଟରେ ତାଙ୍କ ଫିଲ୍ମ‘ଗଙ୍ଗୁବାଇ କାଠିଆଓ୍ବାଡି’ ଏବଂ ‘ଆର୍ଆର୍ଆର୍’ସୁପରହିଟ୍ ହୋଇଛି। ଆଲିଆଙ୍କ ଦମ୍ଦାର ଅଭିନୟକୁ ଦେଖି ଦର୍ଶକ ପ୍ରଶଂସା କରୁଛନ୍ତି। ଏହାରି ଭିତରେ ଆଲିଆ ‘ଆର୍ଆର୍ଆର୍’ର ପୋଷ୍ଟର ଡିଲିଟ୍ କରିବା ଖବର ସୋସିଆଲ ମିଡିଆରେ ଚର୍ଚ୍ଚା ଜୋର୍ ଧରିଥିଲା। ତେବେ ଏହାକୁ ନେଇ ମୁହଁ ଖୋଲିଛନ୍ତି ଆଲିଆ।ସେ କହିଛନ୍ତି, ସମସ୍ତଙ୍କୁ ଅନୁରୋଧ କରୁଛି , ଦୟାକରି ନିଜ ଅନୁମାନକୁ ଅନ୍ୟ ଉପରେ ଲଦି ଦିଅନ୍ତୁ ନାହିଁ । ତାହା ଆପଣଙ୍କ ମତ ହୋଇପାରେ। ହେଲେ ତାହା ସହ ଅନ୍ୟଜଣଙ୍କ ମତ ମେଳ ଖାଇବ ବୋଲି କିଛି ମାନେ ନାହିଁ। ମୁଁ ସବୁବେଳେ ମୋ ସୋସିଆଲ ମିଡିଆ ଆକାଉଣ୍ଟକୁ ତାଜା ରଖିବାକୁ ଚେଷ୍ଟା କରେ, ତେଣୁ ପୁରୁଣା ପୋଷ୍ଟକୁ ହଟାଇ ନୂଆ ଫଟୋ, ଭିଡିଓକୁ ସାମିଲ କରେ ବୋଲି କହିଛନ୍ତି।
‘ଆରଆରଆର’ ଫିଲ୍ମ ବ୍ଲକବଷ୍ଟର ହୋଇଥିବା ବେଳେ ଏଥିରେ ଆଲିଆଙ୍କୁ ମିଳିଥିବା କମ ସ୍କ୍ରିନ ମିଳିଥିଲା। ଯାହାକୁ ନେଇ ଖୁସି ନ ଥିଲେ ଆଲିଆ। ଏହି ଫିଲ୍ମରେ ଆଲିଆଙ୍କର କେବଳ ୯ ମିନିଟ୍ ସିନ ଥିବା ବେଳେ ତାଙ୍କର ସୀତା ଚରିତ୍ରଟି ସେତେଟା ଦମ୍ଦାର ମଧ୍ୟ ନ ଥିଲା। ଏହାକୁ ନେଇ ରାଗରେ ଆଲିଆ ନିଜ ଇନଷ୍ଟାଗ୍ରାମରୁ ‘ଆର୍ଆର୍ଆର୍’ର ପୋଷ୍ଟର ଡିଲିଟ୍ ଖବର ପ୍ରଚାରିତ ହୋଇଥିଲା।