ମୁମ୍ବାଇ: ବଲିଉଡ୍ର ମୋଷ୍ଟ ପପୁଲାର ଷ୍ଟାର କପଲ ଆଲିଆ ଭଟ୍ଟ ଓ ରଣବୀର କପୁର ସବୁବେଳେ ଚର୍ଚ୍ଚାରେ ରହିଥାନ୍ତି। ସୋସିଆଲ ମିଡିଆରେ ଦୁହେଁ ନିଜର ବ୍ୟକ୍ତିଗତ ଜୀବନ ହେଉ କି ପ୍ରୋଫେସ୍ନାଲ ବାବଦରେ ସବୁବେଳେ ନିଜ ପ୍ରଶଂସକଙ୍କ ସହ ଶେୟାର କରିଥାନ୍ତି। ଚଳିତ ବର୍ଷ ଏପ୍ରିଲ ୧୪ରେ ଆଲିଆ ଭଟ୍ଟ ଏବଂ ରଣବୀର କପୁର ବିବାହ କରି ଚର୍ଚ୍ଚାର ପରିସରକୁ ଆସିଥଲେ। ବିବାହର କିଛି ସମୟ ପରେ ଦୁହେଁ ନିଜ ପ୍ରଶଂସକଙ୍କୁ ପ୍ୟାରେଣ୍ଟିଂ ଖବର ଦେଇ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। ଇତିମଧ୍ୟରେ ଆଉ ଏକ ଖବର ସମ୍ନାକୁ ଆସିଛି। ଶୁଣିବାକୁ ମିଳିଛି ଯେ, ଏହି ଷ୍ଟାର କପଲ ଡେଲିଭରୀ ପାଇଁ ହସ୍ପିଟାଲ ବୁକ୍ କରିସାରିଲେଣି। ଆଲିଆଙ୍କ ଡେଲିଭରୀକୁ ନେଇ ଅନେକ କଳ୍ପନାଜଳ୍ପନା କରାଯାଉଥିବା ବେଳେ ବର୍ତ୍ତମାନ ତାଙ୍କ ଡେଲିଭରୀ ଡେଟ୍ ପାଖେଇ ଆସୁଥିବା ଜଣାପଡ଼ିଛି। କପୁର ପରିବାରର ନୂତନ ବୋହୁ ଆସନ୍ତା ନଭେମ୍ବର ଶେଷରେ କିମ୍ବା ଡିସେମ୍ବର ପ୍ରାରମ୍ଭ ସପ୍ତାହରେ ନିଜ ସନ୍ତାନକୁ ଜନ୍ମ ଦେଇପାରନ୍ତି। ତେବେ ଆଲିଆ ତାଙ୍କ ଡେଲିଭରୀ ପାଇଁ ଏଚ୍.ଏନ୍ ରିଲାଏନ୍ସ ଫାଉଣ୍ଡେସନ ହସ୍ପିଟାଲ ବୁକ୍ କରିଛନ୍ତି। ଏହି ହସ୍ପିଟାଲ ବାଛିବା ପଛରେ ଏକ ବିଶେଷ କାରଣ ରହିଛି। ଏହାସହ ଆଲିଆଙ୍କ ଶ୍ୱଶୁର ତଥା ରଣବୀରଙ୍କ ସ୍ବର୍ଗତ ପିତା ରିଷି କପୁରଙ୍କ ସହ ସମ୍ପର୍କ ରହିଛି। ଏହା ହେଉଛି ସେହି ହସ୍ପିଟାଲ ଯେଉଁଠାରେ ଭେଟେରାନ ଅଭିନେତା ରିଷି କପୁର ଶେଷ ନିଶ୍ୱାସ ତ୍ୟାଗ କରିଥିଲେ। ସୂଚନା ମୁତାବକ, ଏହି ହସ୍ପିଟାଲ ମୁମ୍ବାଇର ଗୋରେଗାଓଁରେ ଅଛି।
