ଓ୍ବାଶିଂଟନ,୨୪।୬: ଗତ ୫୦୦୦ ବର୍ଷ ଧରି ଏଲିଅନ୍ ପୃଥିବୀ ଉପରେ ଟେଲିସ୍କୋପ୍ ଦ୍ୱାରା କଡ଼ା ନଜର ରଖିଛନ୍ତି। ଏନେଇ ଆମେରିକାରେ ହୋଇଥିବା ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି। ଖୁବ୍ଶୀଘ୍ର ଏହି ରିପୋର୍ଟକୁ ପ୍ରକାଶ କରାଯିବ। ପୃଥିବୀର ବିଭିନ୍ନ ରେଡ଼ିଓ ସିଗନାଲ୍ ସହିତ ଏଲିଅନ୍ ସଂଯୋଗ ସ୍ଥାପନ କରିବାକୁ ସକ୍ଷମ। ଏଲିଅନ୍ ରହୁଥିବା ୨୯ଟି ସମ୍ଭାବ୍ୟ ସ୍ଥାନ ସମ୍ପର୍କରେ ଏହି ରିପୋର୍ଟରେ ଦର୍ଶାଯାଇଛି। ଗବେଷକ ଆକାଶ ଗଙ୍ଗାର ଏକ ନକ୍ସ୍ା ପ୍ରସ୍ତୁତ କରି ସମ୍ଭାବ୍ୟ ସ୍ଥାନଗୁଡ଼ିକୁ ଦର୍ଶାଇଛନ୍ତି। ପୃଥିବୀଠାରୁ ୩୨୬ ଆଲୋକ ବର୍ଷ ଦୂରରେ ୨୦୩୪ ନକ୍ଷତ୍ର ରହିଛନ୍ତି। କେତେକ ନକ୍ଷତ୍ରରେ ପୃଥିବୀର ରେଡ଼ିଓ ସିଗନାଲ୍ ପହଞ୍ଚୁଥିବା ନେଇ ଗବେଷକ ଦାବି କରିଛନ୍ତି। ୧୬୪୨ ମସିହାଠାରୁ ଏଲିଅନ୍ ପୃଥିବୀ ଉପରେ କଡ଼ା ନଜର ରଖିଥିବା ନ୍ୟୁୟର୍କର କର୍ନେଲ ବିଶ୍ୱବିଦ୍ୟାଳୟର ପ୍ରଫେସର ଡ. ଲିଜା କାଲ୍ଟେନେଗର କହିଛନ୍ତି। ପୃଥିବୀର ରେଡ଼ିଓ ସିଗନାଲ୍କୁ ୭୫ରୁ ଅଧିକ ନକ୍ଷତ୍ର ସହଜରେ ଉପଲବ୍ଧ କରୁଛନ୍ତି। ଏହି ରେଡ଼ିଓ ସିଗନାଲକୁ ଶହେ ବର୍ଷ ତଳେ ଆରମ୍ଭ କରାଯାଇଥିଲା ବୋଲି ସେ ପ୍ରକାଶ କରିଛନ୍ତି।