ଏଲିଅନଙ୍କ ସହ ଜଡ଼ିତ କାହାଣୀ ଆମେ ପଢୁଛେ ଶୁଣୁଛେ। ନିକଟରେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ଏବଂ ଅନ୍ୟ ଆମେରିକୀୟ ଏକ୍ସପର୍ଟମାନେ ୟୁଏଫ୍ଓ ଦୃଶ୍ୟକୁ ଦେଖି ଏକ ଘଟଣାର ସ୍ପଷ୍ଟ କରିଛନ୍ତି। ଆମେରିକାର ସୁରକ୍ଷା ମନ୍ତ୍ରଣାଳୟ ୟୁଏଫ୍ଓରୁ ଜଡ଼ିତ ରିପୋର୍ଟକୁ ତୁରନ୍ତ ସାର୍ବଜନିନ କରିବାକୁ ଯାଉଛି। ଭୌତିକ ବିଜ୍ଞାନୀମାନେ ଏଲିଅନଙ୍କ ସମ୍ପର୍କକୁ ନେଇ ଏକ ନୂଆ ଚେତାବନୀ ଦେଇଛନ୍ତି।
ଏଲିଅନଙ୍କୁ ନେଇ ଅନେକ ପ୍ରଶ୍ନ ଉଠୁଛି। ଏଇଯେମିତି ପୃଥିବୀ ବାହାରେ ଅଲଗା ଗ୍ରହରେ ଏମାନଙ୍କ ଜୀବନ ରହିଛି। କ’ଣ ଏଲିୟନ ? କ’ଣ ଏମାନଙ୍କର ଅସ୍ତିତ୍ୱ। କ’ଣ ଏମାନେ ପୃଥିବୀବାସୀଙ୍କ ପାଇଁ ବିପଦପୂର୍ଣ୍ଣ କି? ଏମିତି ଅନେକ ପ୍ରଶ୍ନ ଉଙ୍କି ମାରିଥାଏ। ଏସବୁ ପ୍ରଶ୍ନ ସତ୍ତ୍ୱେ ଭୌତିକ ବିଜ୍ଞାନୀ ମାର୍କ ବୁକାନନ ଏକ ଦାବି କରିଛନ୍ତି। ସେ କହିଛନ୍ତି, ଏଲିଅନଙ୍କ ସହ ସମ୍ପର୍କ ରଖିବେ ତ ଜୀବନ ଚାଲିଯିବ। ସେ କହିଛନ୍ତି, ଅଲଗା ଗ୍ରହର ପ୍ରାଣୀମାନଙ୍କ ସହ ସମ୍ପର୍କ ରଖିବାକୁ ଚେଷ୍ଟା କରାଯାଉଛି। ମାତ୍ର ଏହା ସମଗ୍ର ମାନବ କଲ୍ୟାଣ ପାଇଁ ବିପଦପୂର୍ଣ୍ଣ।
ମାର୍କ ଏକ ଭିଡିଓ ଶେୟାର କରିଛନ୍ତି, ଯେଉଁଥିରେ ନୌସେନା ଏହି ରହସ୍ୟମୟୀ ସ୍ପେସ୍ ଅବଜେକ୍ଟର ସାମ୍ନା କରିଛି। ସେ କହିଛନ୍ତି, ଆଜି ପର୍ଯ୍ୟନ୍ତ ଏଲିଅନଙ୍କ ସହ ସମ୍ପର୍କ ରଖିବା କାହା ପାଇଁ ଭଲ ହୋଇନାହିଁ। ତେଣୁ ଏଲିଅନଙ୍କ ସହ ସମ୍ପର୍କ ରଖିଲେ ମଣିଷ ଧ୍ୱଂସ ପାଇବ।
