ଲକ୍ଷ୍ନୌ,୨୭ ।୧: ଉତ୍ତର ପ୍ରଦେଶର ଅଲିଗଡ଼ ମୁସଲିମ ବିଶ୍ୱବିଦ୍ୟାଳୟ ବାହାରେ ସାଧାରଣତନ୍ତ୍ର ଦିବସ ସମୟରେ ରାଷ୍ଟ୍ରୀୟ କ୍ୟାଡେଟ କୋର(ଏନସିସି) ପୋଷାକରେ କେତେଜଣ ଛାତ୍ରଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଭିଡିଓରେ ଛାତ୍ରମାନେ ‘ଆଲ୍ଲାହୁ ଆକବର’ ସ୍ଲୋଗାନ ଦେଉଥିବା ଦେଖାଯାଇଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଯେତେବେଳେ ଛାତ୍ରମାନେ ଏହି ସ୍ଲୋଗାନ ଦେଉଥିଲେ ସେତେବେଳେ ୟୁନିଭର୍ସିିଟିର ଭିସି ବି ଉପସ୍ଥିତ ଥିଲେ ।
ଭିଡିଓ ଭାଇରାଲ ହେବା ପରେ ଅଲିଗଡ଼ ପୋଲିସ ବିଶ୍ୱବିଦ୍ୟାଳୟ ପ୍ରଶାସନକୁ ସ୍ଲୋଗାନ ଦେଉଥିବା ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ କହିଛି । ଭାଇରାଲ ହୋଇଥିବା ଭିଡିଓରେ ଏନସିସି ପୋଷାକ ପିନ୍ଧି ଏହାର ପତାକା ଧରି କେତେଜଣ ଛାତ୍ର ତ୍ରିରଙ୍ଗା ନିକଟରେ ‘ଅଲ୍ଲାହୁ ଅକବର’ ସ୍ଲୋଗାନ ଦେଉଥିବା ଦେଖାଯାଇଛି । ଭିଡିଓକୁ ଗୁରୁବାର ସାଧାରଣତନ୍ତ୍ର ଦିବସ ସମାରୋହ ସମୟରେ ଏଏମୟୁ ପରିସରରେ ଶୁଟ୍ କରାଯାଇଥିବା କୁହାଯାଉଛି ।