ନୂଆଦିଲ୍ଲୀ,୨୦।୪: ଲୋକ ସଭା ନିର୍ବାଚନ ୨୦୧୯କୁ ନେଇ ପ୍ରଚାର ଯୋର ଧରିଥିବା ବେଳେ ରାଜନୈତିକ ଅଙ୍କକଷା କିନ୍ତୁ ଛିଡୁନି। ହରିୟାଣା, ପଞ୍ଜାବ ଓ ଦିଲ୍ଲୀ ପାଇଁ ପ୍ରାର୍ଥୀ ଦେଇଥିବା ଆମ ଆଦମୀ ପାର୍ଟି (ଏଏପି) କୁ ଦଳର ବିଧାୟିକା ଅଳକା ଲାମ୍ବା ଝଟ୍କା ଦେଇପାରନ୍ତି ବୋଲି ଅନୁମାନ କରାଯାଉଛି। ଦିଲ୍ଲୀର ଚାନ୍ଦିନି ଚୌକ ଆସନରୁ ବିଧାୟିକା ଥିବା ଅଳକା ଶୁକ୍ରବାର ଯେଉଁ ଟୁଇଟ୍ କରିଛନ୍ତି ତାକୁ ଦେଖି ନାନା କଳ୍ପନା କରାଯାଇଛି। ସେ ଟୁଇଟ୍ରେ ଉଲ୍ଲେଖ କରିଛନ୍ତି କି ଆସନ୍ତା ୨୫ରେ ସେ ତାଙ୍କ ରାଜନୈତିକ କ୍ୟାରିୟରକୁ ନେଇ ନିଷ୍ପତ୍ତି ନେବେ। ତେଣୁ ଏହା ଏକ ପ୍ରକାର ସୂଚନା ଦେଉଛି କି ଅଳକା ହୁଏତ ଏଏପି ଛାଡି ପାରନ୍ତି।