ବେଙ୍ଗାଲୁରୁ,୭।୩ : କର୍ନାଟକ ବିଧାନସଭାର କାର୍ଯ୍ୟକାଳ ୨୪ ମେ ୨୦୨୩ ରେ ଶେଷ ହେବାକୁ ଯାଉଛି। ଏଭଳି ପରିସ୍ଥିତିରେ ଚଳିତ ମାସରେ ବିଧାନସଭା ନିର୍ବାଚନ ହେବାର ସମ୍ଭାବନା ରହିଛି। ଏହି ସମୟରେ, ଭାଜପାର ବରିଷ୍ଠ ନେତା ତଥା ଦଳର ସଂସଦୀୟ ବୋର୍ଡର ସଦସ୍ୟ ବିଏସ ୟେଦୁରୁପ୍ପା ମଙ୍ଗଳବାର ସୂଚାଇ ଦେଇଛନ୍ତି ଯେ ଚାରିରୁ ୬ ଜଣ ସିଟିଂ ବିଧାୟକଙ୍କୁ ଛାଡ଼ିଦେଲେ ଅନ୍ୟସମସ୍ତେ ଟିକେଟ ପାଇବାର ସମ୍ଭାବନା ରହିଛି।
ନିର୍ବାଚନ ପରେ ବିଧାନସଭା ପାର୍ଟି ବୈଠକରେ କିଏ ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ତାହା ଭାଜପା ସ୍ଥିର କରିବ।
ଯେତେବେଳେ ପୂର୍ବତନ ମୁଖ୍ୟମନ୍ତ୍ରୀଙ୍କୁ ପଚରାଯାଇଥିଲା ଯେ ସମସ୍ତ ସିଟିଂ ବିଧାୟକଙ୍କୁ ଟିକେଟ ମିଳିବ କି ନାହିଁ, ସେ ଏଭଳି ଉତ୍ତର ଦେଇଥିଲେ।
ନିର୍ବାଚନ ପୂର୍ବରୁ ଭାଜପା ଅନ୍ୟ ଦଳର ନେତାମାନଙ୍କୁ ଦଳରେ ସାମିଲ କରିବାକୁ ଯୋଜନା କରୁଛି କି ବୋଲି ପଚରାଯିବାରୁ ସେ କହିଛନ୍ତି ଯେ ଯିଏ ଯୋଗଦେବାକୁ ଚାହୁଁଛନ୍ତି ଏବଂ ଯିଏ ଛାଡିବାକୁ ଚାହୁଁଛନ୍ତି ସେମାନେ ଖୁସିରେ ତାହା କରିପାରିବେ। ଅନେକ ଲୋକ ଦଳରେ ଯୋଗଦେବାକୁ ଇଚ୍ଛୁକ, ଆମେ ସେମାନଙ୍କୁ ସ୍ବାଗତ କରିବୁ।
ସୂଚନାଯୋଗ୍ୟଳ ୟେଦୁରପ୍ପା ନିର୍ବାଚନ ରାଜନୀତିରୁ ଅବସର ଘୋଷଣା କରିସାରିଛନ୍ତି। ଏହା ସହିତ ସେ ଆଗାମୀ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ମଧ୍ୟ ଘୋଷଣା କରିଛନ୍ତି।