କୋକସରା,୧୫।୧୧(ଦୁଷ୍ମନ୍ତ କୁମାର ପାଟ୍ଟଯୋଷୀ): ଅଲ୍ ଓଡିଶା ପେକ୍ସ ଓ ଲେମ୍ପସ କର୍ମଚାରୀ ଫେଡେରେଶନ ପକ୍ଷରୁ ୫ ଦଫା ଦାବି ନେଇ ରାଜ୍ୟ ସରକାରଙ୍କୁ ପୂର୍ବରୁ ଦାବି ହୋଇ ଆସୁଛି। ପୂର୍ବ ସରକାର ସମବାୟ କର୍ମଚାରୀଙ୍କ ବିଭିନ୍ନ ଦାବି ଉପରେ ଆଗାମୀ ଦିନରେ ପୂରଣ ନେଇ ପ୍ରତିଶ୍ରୁତି ଦେଇଥିଲେ। ତେବେ ବର୍ତ୍ତମାନ ସରକାର ବଦଳିବା ପରେ କର୍ମଚାରୀମାନେ ଦାବି ପୂରଣ ନେଇ ଆଶା ଓ ଆଶଙ୍କାରେ ରହିଛନ୍ତି।
ଏନେଇ ପଶ୍ଚିମ ଓଡ଼ିଶା ପେକ୍ସ ଓ ଲେମ୍ପ ସଫେଡେରେଶନର ସଭାପତି ନାଉରି ନାୟକଙ୍କ ପ୍ରତିନିଧିତ୍ୱରେ ଏକ ପ୍ରତିନିଧି ଦଳ ଭୁବନେଶ୍ୱରଠାରେ ରାଜ୍ୟ ସମବାୟ ମନ୍ତ୍ରୀ ପ୍ରଦୀପ ବଳ ସାମନ୍ତଙ୍କ ସହ ସାକ୍ଷାତକାର କରି ସଂଘର ୫ ଦଫା ଦାବି ଉପରେ ଆଲୋଚନା କରିଥିଲେ। ମନ୍ତ୍ରୀ ସମସ୍ତ ଦାବି ପର୍ଯ୍ୟାୟକ୍ରମେ ପୂରଣ କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଏ ନେଇ ସଂଘ ତରଫରୁ ମନ୍ତ୍ରୀଙ୍କୁ ଧନ୍ୟବାଦ ଜଣାଯାଇଛି। ଏହି ଆଲୋଚନାରେ ସଂଘ ତରଫରୁ ରାଜ୍ୟ ସମ୍ପାଦକ ନୀତେଶ କୁମାର ସାହୁ, ଉପ-ସଭାପତି ସମ୍ବଲପୁର, କଳାହାଣ୍ଡିରୁ ନିରଞ୍ଜନ ପ୍ରସାଦ ବାଗ, ହେମନ୍ତ କୁମାର ନାଏକ, ଭଦ୍ରକ ଜିଲାରୁ ଉପ-ସଭାପତି ଅରୁଣ ଉଦୟ ପାତ୍ର, ବାଲେଶର ଜିଲାରୁ ବିଧାନ ଚନ୍ଦ୍ର ଘୋଷ, ଢେଙ୍କାନାଳ ଜଲାରୁ ମନୋଜ ମିଶ୍ର, ରାଧା ମୋହନ ସାମଲ ପ୍ରମୁଖ ଉପସ୍ଥିତ ହୋଇ ଆଲୋଚନା କରିଥିଲେ।