ନୂଆଦିଲ୍ଲୀ: ଆଇପିଏଲ୍ ଦଳ ଚେନ୍ନାଇ ସୁପର୍ କିଙ୍ଗ୍ସ (ସିଏସ୍କେ)ର ଷ୍ଟାର୍ ଅଲ୍ରାଉଣ୍ଡର ସେନ୍ ଓ୍ବାଟ୍ସନଙ୍କ ପରି ତାଙ୍କ ସ୍ତ୍ରୀ ଲି ଫୁର୍ଲଙ୍ଗ ମଧ୍ୟ ଜଣେ ଅଲ୍ରାଉଣ୍ଡର। ଲି ଜଣେ କ୍ରୀଡ଼ା ଉପସ୍ଥାପିକା, ମଡେଲ୍, ଲେଖିକା ଓ ସଫଳ ବିଜନେସଓମ୍ୟାନ। ଅଷ୍ଟ୍ରେଲିଆରେ ଲି’ ଜଣେ ପରିଚିତ ଚେହେରା।
ଅଗଷ୍ଟ ୧୯୮୬ରେ ନ୍ୟୁ ସାଉଥ୍ ଓ୍ବେଲ୍ସରେ ଜନ୍ମଗ୍ରହଣ କରିଥିବା ଲି ୨୦୧୦ରେ ଓ୍ବାଟ୍ସନଙ୍କୁ ବିବାହ କରିଥିଲେ। ଲି ସ୍କୁଲରେ ପଢ଼ୁଥିବାବେଳେ ଟେନିସ ଖେଳୁଥିଲେ ଏବଂ କଲେଜ ତରଫରୁ ଅନେକ ମ୍ୟାଚ୍ରେ ମଧ୍ୟ ପ୍ରତିନିଧିତ୍ୱ କରିଛନ୍ତି। ଏପରିକି ପିଲାମାନଙ୍କୁ ମଧ୍ୟ ସେ ଟେନିସ ପ୍ରଶିକ୍ଷଣ ପ୍ରଦାନ କରିଥାନ୍ତି। ଲି ଜର୍ନାଲିଜମ ଓ ମାସ୍କମ୍ୟୁନିକେଶନରେ ସ୍ନାତକ ହାସଲ କରିଛନ୍ତି। ଏହାପରେ ସେ ୨ ବର୍ଷ ପର୍ଯ୍ୟନ୍ତ ଚ୍ୟାନେଲରେ ଉପସ୍ଥାପିକା ଭାବେ କାର୍ଯ୍ୟ କରିଥିଲେ। ଏବଂ ପରେ ନିଜକୁ କ୍ରୀଡ଼ା ଆଙ୍କର ଭାବେ ପ୍ରତିଷ୍ଠିତ କରିପାରିଥିଲେ।
ଲାଭ କରିବା ପରେ ମଧ୍ୟ ଫୁର୍ଲଙ୍ଗ ଚମତ୍କାର କ୍ୟାରିୟରରୁ ଦୂରେଇ ଯାଇ ନ ଥିଲେ। ଏହାପରେ ସେ ବ୍ୟବସାୟ କ୍ଷେତ୍ରରେ ପାଦ ଥାପିଥିଲେ। ‘ଲେଟ୍ସ ଆକ୍ଟିଭେଟ୍’ ନାମକ ଏକ ସଂସ୍ଥା ଖୋଲିଥିଲେ। ଯେଉଁଠାରେ ୨ରୁ ୬ ବର୍ଷର ପିଲାମାନଙ୍କୁ କ୍ରୀଡ଼ା କାର୍ଯ୍ୟକଳାପରେ ଅଂଶଗ୍ରହଣ କରିବାକୁ ଉତ୍ସାହିତ କରାଯାଇଥାଏ। ସବୁଦିନ ଭୋର ୩ଟାରୁ ବିଛଣା ତ୍ୟାଗ କରୁଥିବା ଲି ସପ୍ତାହକୁ ୬ ଦିନ କାମ କରିଥାନ୍ତି। ୨୦୧୮ରେ ମଧ୍ୟ ସେ କେତେକ ପୁସ୍ତକ ଲେଖିଥିଲେ।