ମୁମ୍ବାଇ,୨୫।୪: ସଲମାନ ଖାନ୍ ତାଙ୍କ ଫିଲ୍ମ କିସି କା ଭାଇ କିସି କି ଜାନ ଯୋଗୁ ଲଗାତାର ଚର୍ଚ୍ଚାରେ ଅଛନ୍ତି। କିନ୍ତୁ ବକ୍ସ ଅଫିସରେ ଏହା ସେତେଟା ହିଟ୍ ହୋଇପାରି ନାହିଁ। ରିଲିଜ୍ ହେବାର ପ୍ରଥମ ସପ୍ତାହରେ ଫିଲ୍ମ ୬୫କୋଟିର ବ୍ୟବସାୟ କରିପାରିଛି। ତେବେ ଆପଣଙ୍କୁ କେତୋଟି ଫିଲ୍ମ୍ମ ବିଷୟରେ କହିବାକୁ ଯାଉଛୁ, ଯାହାକୁ ସଲମାନ ଖାନ୍ ମନା କରି ଦେଇଥିଲେ କିନ୍ତୁ ଶାହରୁଖ ଖାନ୍ ଏହି ଫିଲ୍ମରେ ଅଭିନୟ କରି ବଲିଉଡ୍ର କିଙ୍ଗ୍ ଭାବେ ପରିଚିତ ହୋଇଥିଲେ।
ଫିଲ୍ମ ବାଜିଗର ୯୦ଦଶକରେ ରିଲିଜ ହୋଇଥିଲା। ଅବ୍ବାସ-ମସ୍ତାନାଙ୍କ ନିର୍ଦ୍ଦେଶନା ଦେଇଥିବା ଏହି ଫିଲ୍ମର ସସପେନ୍ସ ଓ ଥ୍ରୀଲର ମିଶ୍ରିତ ଟ୍ବିଷ୍ଟକୁ ଦର୍ଶକ ବହୁତ ପସନ୍ଦ କରିଥିଲେ। ବକ୍ସ ଅଫିସରେ ଏହି ଫିଲ୍ମ ହିଟ୍ ହୋଇଥିଲା। ଏହି ଫିଲ୍ମ ଯୋଗୁ ଶାହରୁଖଙ୍କୁ ଇଣ୍ଡଷ୍ଟ୍ରୀରେ ନୂଆ ପରିଚୟ ମିଳିଥିଲା। ତେବେ ଏହି ଫିଲ୍ମ ପ୍ରଥମେ ସଲମାନ ଖାନ୍ଙ୍କୁ ଅଫର୍ କରାଯାଇଥିଲା କିନ୍ତୁ କିଛି କାରଣ ବଶତଃ ସେ ମନା କରି ଦେଇଥିଲେ।
ଡିଡିଏଲଜି ବା ଦିଲ୍ବାଲେ ଦୁଲହନିଆ ଲେ ଜାଏଙ୍ଗେ ଫିଲ୍ମରେ ଶାହରୁଖଙ୍କ ଅଭିନୟ ତାଙ୍କ କ୍ୟାରିୟରରେ ସବୁଠୁ ଭଲ ଅଭିନୟ କରିଥିବା ଫିଲ୍ମ ବୋଲି କୁହାଯାଏ। ଏହି ଫିଲ୍ମ ବଲିଉଡ୍ର ଅଲ ଟାଇମ୍ ବ୍ଳକବଷ୍ଟର ଫିଲ୍ମ ଭାବେ ପରିଚିତ। ତେବେ ଗଣମାଧ୍ୟମ ରିପୋର୍ଟ ଅନୁସାରେ ୟଶ୍ରାଜ ଫିଲ୍ମ ପ୍ରଡକ୍ସନର ଏହି ଫିଲ୍ମକୁ ପ୍ରଥମେ ସଲମାନଙ୍କୁ ଅଫର୍ କରାଯାଇଥିଲା। ତେବେ ଏହାକୁ ବି ସଲମାନ ମନା କରି ଦେଇଥିଲେ। ରିପୋର୍ଟ ମୁତାବିକ ସଲମାନଙ୍କ ପରେ ଏହି ଫିଲ୍ମର ନିର୍ମାତାମାନେ ସୈଫ ଅଲ୍ଲୀ ଖାନ୍ଙ୍କୁ ଅଫର୍ ଦେଇଥିଲେ। କିନ୍ତୁ ସେ ବି ମୁଖ୍ୟ ଚରିତ୍ର ରାଜ ମଲହୋତ୍ରାର ଭୂମିକାରେ ଅଭିନୟ କରିବାକୁ ମନା କରିଥିଲେ। ପରେ ଶାହରୁଖ ଏଥିପାଇଁ ରାଜି ହୋଇଥିଲେ।
ସଲମାନ ଖାନ୍ ଅଭିନୟ ପାଇଁ ଅରାଜି ହୋଇଥିବା ବ୍ଲକ୍ବଷ୍ଟର ଫିଲ୍ମ ମଧ୍ୟରୁ ଗୋଟିଏ ହେଉଛି ଚକ୍ ଦେ ଇଣ୍ଡିଆ। ଏହାକୁ ମଧ୍ୟ ସଲମାନ ଖାନ୍ ମନା କରିଥିଲେ। କିନ୍ତୁ କିଙ୍ଗ୍ ଖାନ୍ଙ୍କର ଚମତ୍କାର ଅଭିନୟକୁ ଦର୍ଶକ ବହୁ ପରିମାଣରେ ପ୍ରଶଂସା କରିଥିଲେ।