ନଖର ରଙ୍ଗରୁ ଶରୀରରେ କେଉଁ ରୋଗ ହୋଇଛି ଅବା କେଉଁ ଅଙ୍ଗ ସ୍ବାଭାବିକ ଭାବେ କାର୍ଯ୍ୟ କରୁ ନାହିଁ ତାହା ସହଜରେ ଜଣାପଡ଼ିଥାଏ। ବିଭିନ୍ନ ରୋଗ ସହିତ ନଖର ସମ୍ପର୍କ ରହିଛି। ରୋଗ ଅନୁସାରେ ଗୋଡ଼ ଏବଂ ହାତ ନଖର ରଙ୍ଗରେ ପରିବର୍ତ୍ତନ ହୋଇଥାଏ। ନଖର ରଙ୍ଗ ଯଦି ଧଳା ପଡ଼ିଯାଉଛି ତାହା ଲିଭରରେ କିଛି ସମସ୍ୟାକୁ ସୂଚିତ କରିଥାଏ। ଦୀର୍ଘଦିନ ଧରି ନଖର ଅବସ୍ଥା ଏପରି ରହିଲେ ଗୁରୁତର ହେପାଟାଇଟିସ୍ ହେବାର ଆଶଙ୍କା ରହିଥାଏ । ନଖ ରଙ୍ଗ ହଳଦିଆ ଦିଶୁଛି ଅବା ରଙ୍ଗ ଧୀରେ ଧୀରେ ଗାଢରୁ ଅଧିକ ଗାଢ ହେବାରେ ଲାଗିଛି ତେବେ ଏହା ଫୁସ୍ଫୁସ୍ ସଂକ୍ରମଣକୁ ସୂଚିତ କରେ। ଏଭଳି ସ୍ଥିତି ମଧ୍ୟ ଜଣ୍ଡିସ୍ ବା କାମଳ ରୋଗର ଲକ୍ଷଣ ହୋଇପାରେ। ନଖର ରଙ୍ଗ ଅଧେ ସଫା ଓ ଅଧେ ଗୋଲାପୀ ଦେଖାଗଲେ ତାହା ମଳଦ୍ୱାର ସମସ୍ୟାକୁ ଦର୍ଶାଇଥାଏ। ନଖର ଉପର ଅଂଶ ହଳଦିଆ ଥାଇ ତଳ ଅଂଶ ଧଳା ପଡ଼ି ଯାଉଥିଲେ, ରକ୍ତହୀନତା ସମ୍ପର୍କରେ ସୂଚନା ମିଳିଥାଏ। ଶରୀରରେ ଦେଖା ଦେଉଥିବା ବିଭିନ୍ନ ରୋଗ ଦ୍ୱାରା ବିଭିନ୍ନ ହରମୋନ୍ ତଥା ରାସାୟନିକ ପଦାର୍ଥ କ୍ଷରଣରେ ଅନିୟମିତତା ସୃଷ୍ଟି ହୋଇଥାଏ। ଏହାର ପ୍ରଭାବ ନଖ ଉପରେ ପଡ଼ିଥାଏ ଫଳରେ ରଙ୍ଗରେ ପରିବର୍ତ୍ତନ ଆସିଥାଏ ବୋଲି ଚିକିତ୍ସା ବିଜ୍ଞାନୀ ମତପୋଷଣ କରିଥାନ୍ତି।