ପୁରୁଷୋତ୍ତମପୁର,୫ା୧(ସୀମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ରଥସାହି ଜଗନ୍ନାଥ ମନ୍ଦିର ପରିସରରେ ଗଞ୍ଜାମ ଜିଲା ବିଶ୍ବକର୍ମା ସମାଜର ବାର୍ଷିକ ଅଧିବେଶନ ରବିବାର ଅନୁଷ୍ଠିତ ହୋଇଯାଇଛି। ପୂର୍ବଖଣ୍ଡମୁଠା ଆନୁକୂଲ୍ୟରେ ରାଜଶ୍ରୀ କୃଷ୍ଣଚନ୍ଦ୍ର ମହାରଣାଙ୍କ ସଂଯୋଜନାରେ ଅନୁଷ୍ଠିତ ଅଧିବେଶନରେ ଜିଲା ସଭାପତି ଅଜୟ କୁମାର ମହାରଣା, ଉପସଭାପତି ନୀଳାଞ୍ଚଳ ମହାରଣା, ଗୌରାଙ୍ଗ ମହାରଣା, ସାଂଗଠନିକ ସମ୍ପାଦକ ମୁଟୁ ମହାରଣା, ତ୍ରିନାଥ ମହାରଣା, କୃଷ୍ଣଚନ୍ଦ୍ର ମହାରଣା, ଜିଲା ସଂଯୋଜକ ଶ୍ରୀନିବାସ ମହାରଣା ଯୋଗଦେଇ ସମାଜ ଓ ଜାତିଭାଇଙ୍କ ବିକାଶ ଦିଗରେ ଗୁରୁତ୍ୱାରୋପ କରିଥିଲେ। ସମାଜରେ ଗରିବ ଶ୍ରେଣୀର ପିଲାମାନେ ଅର୍ଥଅଭାବରୁ ପାଠ ପଢ଼ି ପାରୁ ନ ଥିବାବେଳେ ସେମାନଙ୍କ ପାଠ ପଢ଼ା ଲାଗି ପଦକ୍ଷେପ ନେଇ ସାହାଯ୍ୟ ସହଯୋଗ ପ୍ରଦାନ କରିବା, ଭାଇଚାରା ସହ ସମସ୍ତେ ମିଳିମିଶି ରହିବା ଲାଗି ପରାମର୍ଶମାନ ଦେଇଥିଲେ।
ଏହି ଅବସରରେ ବାର୍ଷିକ ଆୟବ୍ୟୟର ସମୀକ୍ଷା କରାଯିବା ସହ ସୁବିଧା ଅସୁବିଧା ସମ୍ପର୍କରେ ଆଲୋଚନା କରାଯାଇଥିଲା। ଏଥିରେ ଜିଲାର ୨୪ଟି ତାଲୁକର କର୍ମକର୍ତ୍ତାମାନେ ଯୋଗଦେଇଥିଲେ। ଏହାକୁ ସଦାନନ୍ଦ ମହାରଣା, କୃଷ୍ଣଚନ୍ଦ୍ର ମହାରଣାଙ୍କ ସମେତ ପୂର୍ବଖଣ୍ଡ ତାଲୁକର ସଦସ୍ୟମାନେ ପରିଚାଳନା କରିଥିଲେ।
