ନୟାଗଡ଼ ଅଫିସ,୧୯।୪: ନୟାଗଡ଼ ଜିଲାର ଶରଣକୁଳ କଲେଜର ବିଜ୍ଞାନ ବିଭାଗରେ ଯୁକ୍ତ ଦୁଇ ୨ୟ ବର୍ଷର ୨୪ ଛାତ୍ରୀଛାତ୍ରଙ୍କୁ କଲେଜର ଅଧ୍ୟକ୍ଷ ଓ ଆଧ୍ୟାପକ ରାଗିଂ କରୁଥିବାର ଅଭିଯୋଗ ହୋଇଛି। ଅଧ୍ୟକ୍ଷ ଓ ଆଧ୍ୟାପକଙ୍କ କୋଚିଂ ସେଣ୍ଟରରେ ନ ପଢ଼ି ନୟାଗଡ଼ର କୋଚିଂ ସେଣ୍ଟରରେ ଛାତ୍ରୀଛାତ୍ର ପଢୁଥିବାରୁ ପ୍ରାୟ ୧ ବର୍ଷ ହେଲା ନିର୍ଯାତନା ଦିଆଚାଲିଛି ବୋଲି ଅଭିଯୋଗ ହୋଇଛି। ସୁରକ୍ଷା ପାଇଁ କଲେଜ ଛାଡିବାର ଅନୁମତି ଓ କାର୍ଯ୍ୟାନୁଷ୍ଠାନ ଦାବିରେ ଛାତ୍ରୀଛାତ୍ର ଜିଲାପାଳ ଓ ଉପଜିଲାପାଳଙ୍କୁ ବୁଧବାର ଫେରାଦ ହୋଇଛନ୍ତି। ଅନ୍ୟପକ୍ଷେ ଅନ୍ୟ ଛାତ୍ରୀଛାତ୍ରଙ୍କୁ ଲଗାଇ ଯୁକ୍ତ ଦୁଇ ଛାତ୍ରୀଛାତ୍ରଙ୍କୁ ମାରପିଟ କରିବା ଓ ୩ଟି ପେପର ପରୀକ୍ଷା ଦେବାରୁ ବଞ୍ଚିିତ ହୋଇଥିବା ଅଭିଯୋଗ ମଧ୍ୟ ରହିଛି।