ରାମନାଗୁଡ଼ା,୨୮।୧୧(ଡି.ଏନ୍.ଏ.): ରାମନାଗୁଡ଼ା ବ୍ଲକରେ ପଞ୍ଚାୟତ ନିର୍ବାଚନରେ ୧୨ ପଞ୍ଚାୟତ ନିମନ୍ତେ ସରପଞ୍ଚ, ସମିତିସଭ୍ୟ ପଦବୀ ପାଇଁ ନିର୍ବାଚନ ହୋଇଥିବା ବେଳେ ସବୁଠୁ ଚର୍ଚ୍ଚାରେ ଥିବା ଅଧ୍ୟକ୍ଷ ପଦ ପାଇଁ ବିଜେଡି ଓ କଂଗ୍ରେସ ଦଳ ମଧ୍ୟରେ ଟଣାଓଟରା ଚାଲିଥିଲା। ଶେଷ ପର୍ଯ୍ୟାୟରେ ତାହା କଂଗ୍ରେସ ହାତକୁ ଚାଲିଯାଇଥିଲା। ରାମନାଗୁଡା ପଞ୍ଚାୟତ ସମିତି ଅଧ୍ୟକ୍ଷ ପଦ ହାତେଇବାରେ ସଫଳ ହେଲେ ଉକାମ୍ବା ସମିତି ସଭ୍ୟ ରବିଶଙ୍କର ଗମାଙ୍ଗ। ବଡ଼ କଥା ହେଲା ଏବେ ଅଧ୍ୟକ୍ଷଙ୍କ ବିରୋଧରେ ସରପଞ୍ଚ, ସମିତି ସଭ୍ୟା ଓ ସଭ୍ୟଙ୍କ ବିରୋଧ ବଢ଼ୁଛି। ରାମନାଗୁଡ଼ା ବ୍ଲକ ଅଧ୍ୟକ୍ଷଙ୍କ ମନମୁଖୀ ଶାସନକୁ ବିରୋଧ କରି ରାୟଗଡ଼ା ଜିଲାପାଳଙ୍କୁ ଶଉକ୍ରବାର ଏକ ସ୍ମାରକପତ୍ର ପ୍ରଦାନ କରାଯାଇଛି। ୧୧ ସରପଞ୍ଚ, ୬ ସମିତିସଭ୍ୟ ଏବଂ ଜଣେ ଜିଲା ପରିଷଦ ସଭ୍ୟା ମିଳିତ ଭାବେ ଏହି ସ୍ମାରକପତ୍ର ପ୍ରଦାନ କରିଛନ୍ତି।
ରାମନାଗୁଡ଼ା ବିଡିଓ ପ୍ରଭାତୀ ଝୋଡ଼ିଆଙ୍କ ଦ୍ୱାରା ଉକାମ୍ବା ପଞ୍ଚାୟତରେ ସରକାରୀ ନିୟମ ଅନୁଯାୟୀ ୨୦୧୯ ରେ ପ୍ରସ୍ତାବିତ କାର୍ଯ୍ୟକୁ ପ୍ରତ୍ୟାଖ୍ୟାନ କରି ବ୍ଲକ ଅଧ୍ୟକ୍ଷ ଗମାଙ୍ଗ ଉକ୍ତ ସ୍ଥାନରେ ଅନ୍ୟ ଏକ ପ୍ରକଳ୍ପ ତିଆରି ପାଇଁ ଅନୁମତି ପ୍ରଦାନ କରିବା, ରାମନାଗୁଡା ବ୍ଲକରେ ପଞ୍ଚାୟତ ବୈଠକ ନ କରି ଡିଆରଡିଏକୁ ନିଜ ଇଚ୍ଛା ଅନୁସାରେ ପ୍ରକଳ୍ପ ତାଲିକା ପ୍ରସ୍ତୁତ କରି ପ୍ରଦାନ କରିବା, ପେଣକାମ ପଞ୍ଚାୟତରେ ବିଭିନ୍ନ ମନମୁଖୀ
