ଆସିକା,୧୧ା୩ (ଡି.ଏନ.ଏ.)- ଆସିକା ଏନଏସିରେ ବିଜେଡି ପକ୍ଷରୁ ନିର୍ବାଚନ ଆଚରଣ ବିଧି ଖୋଲାଖୋଲି ଭାବେ ଉଲ୍ଲଂଘନ କରାଯାଉଥିବା ଭାଜପା ଆସିକା ନଗର ମଣ୍ଡଳ ପକ୍ଷରୁ ଅଭିଯୋଗ କରାଯାଇଛି। ଶୁକ୍ରବାର ଭାଜପାର ଏକ ପ୍ରତିନିଧି ଦଳ ଆସିକା ଏନଏସିର ନିର୍ବାଚନ ଅଧିକାରୀ ତଥା ଆସିକା ତହସିଲଦାର ସଂଜୟ କୁମାର ସାମନ୍ତରାୟଙ୍କୁ ସାକ୍ଷାତ କରି ତୁରନ୍ତ ବିହିତ କାର୍ଯ୍ୟାନୁଷ୍ଠାନ ଗ୍ରହଣ ଲାଗି ଦାବି କରିଛି। ଦିଆଯାଇଥିବା ଅଭିଯୋଗରେ ସହରର ବିଭିନ୍ନ ସରକାରୀ କାର୍ଯ୍ୟାଳୟ ବାହାରେ ଓ ସର୍ବସାଧାରଣ ସ୍ଥାନଗୁଡ଼ିକରେ ବିଜେଡି ରାଜ୍ୟ ସଭାପତିଙ୍କ ଫଟୋ ସମ୍ବଳିତ ବିଜ୍ଞାପନ ଫଳକ ବର୍ତ୍ତମାନ ମଧ୍ୟ ପ୍ରଦର୍ଶିତ ହେଉଛି। ଦ୍ୱିତୀୟତଃ ସରକାରୀ ଦଳ ଦ୍ୱାରା ଦଳୀୟ ପତାକା ଓ ଅନ୍ୟାନ୍ୟ ପ୍ରଚାର ସାମଗ୍ରୀ ବ୍ୟାପକ ଭାବେ ସର୍ବସାଧାରଣ ସ୍ଥାନଗୁଡ଼ିକରେ ଲଗାଯାଇ ଏକ ଅସୁସ୍ଥ ନିର୍ବାଚନ ପ୍ରତିଦ୍ୱିନ୍ଦ୍ୱିତା ପାଇଁ ମାର୍ଗ ପ୍ରଶସ୍ତ କରିବାରେ ଆଶଙ୍କ ସୃଷ୍ଟି ହୋଇଛି। ବରିଷ୍ଟ ଭାଜପା ନେତା ତଥା ପୂର୍ବତନ ବିଧାୟକ ଦେବରାଜ ମହାନ୍ତଙ୍କ ନେତୃତ୍ୱରେ ଭାଜପା ନଗରପାଳ ପ୍ରାର୍ଥୀ ଡା. ଶ୍ୟାମଘନ ବିଶ୍ୱାଳ, ସୂର୍ଯ୍ୟନାରାୟଣ ଦାସ, ନାରାୟଣ ବେହେରା, ରବୀନ୍ଦ୍ର ପୋଲାଇ, ସରୋଜ କୁମାର ଭଞ୍ଜ, ନାରାୟଣ ହୋତା, ରେଣୁବାଳା ରେଡ୍ଡୀ ପ୍ରମୁଖ ଏହି ପ୍ରତିନିଧି ଦଳରେ ସାମିଲ ଥିଲେ।
