ବାଲିକୁଦା,୨୪ା୬ (ତାପସ ସ୍ବାଇଁ): ବାଲିକୁଦା ବ୍ଲକର ବୋରିକିନା ପଞ୍ଚାୟତରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍ଜିଏନ୍ଆର୍ଇଜିଏସ୍)ରେ ଲକ୍ଷାଧିକ ଟଙ୍କା ଦୁର୍ନୀତି ହୋଇଥିବା ନେଇ ପୂର୍ବତନ ସରପଞ୍ଚ ସାଧୁଚରଣ ସାହୁ କିଛିଦିନ ପୂର୍ବେ ପ୍ରକଳ୍ପ ନିର୍ଦ୍ଦେଶକଙ୍କ ନିକଟରେ ଅଭିଯୋଗ କରିଛନ୍ତି ା ତାଙ୍କ ଅଭିଯୋଗ ଅନୁଯାୟୀ, ବୋରିକନା ପଞ୍ଚାୟତରେ ଏମ୍ଜିଏନ୍ଆରଇଜିଏସ୍ରେ ବିଭିନ୍ନ ପ୍ରକଳ୍ପ କାମ ଚାଳିଛି। ମାତ୍ର ଏହା ଜବ୍କାର୍ଡଧାରୀଙ୍କ ଦ୍ୱାରା କରା ନ ଯାଇ ମେଶିନ ଓ ଟ୍ରାକ୍ଟର ସାହାଯ୍ୟରେ କରାଯାଇଛି ା ପଞ୍ଚାୟତର କିଛି ଅସାଧୁ ବ୍ୟକ୍ତି ସରକାରୀ କର୍ମଚାରୀଙ୍କୁ ହାତକରି ଏହି ଟଙ୍କାକୁ ହଡ଼ପ କରି ନେଉଛନ୍ତି।
ଏମ୍ଜିଏନ୍ଆରଇଜିଏସ୍ରେ କାମ କରିବାକୁ ହେଲେ ପ୍ରଥମେ ଜବକାର୍ଡଧାରୀ ସି୧, ସି୨ ଫର୍ମରେ କାମ ପାଇଁ ପଞ୍ଚାୟତରେ ଆବେଦନ କରିବେ। ଆବେଦନ କରିବାର ୮ ଦିନ ଭିତରେ ଆବେଦନ କରିଥିବା ଜବ୍କାର୍ଡଧାରୀଙ୍କୁ ପଞ୍ଚାୟତର ଯେକୌଣସି ପ୍ରକଳ୍ପ ହେବାକୁ ଥିବା କାମରେ ଲଗାଯିବ ା ଏହି କାମରେ ପ୍ରତ୍ୟେକ ଦିନର ମଷ୍ଟର ରୋଲରେ ଜବ୍କାର୍ଡଧାରୀଙ୍କ ନାମ ଓ ଦସ୍ତଖତ ରହିବ। ଏହା ପରେ ଜବ୍କାର୍ଡଧାରୀଙ୍କ ଆକାଉଣ୍ଟକୁ ଟଙ୍କାଯିବ ା ଏଥିରେ ପୁଣି ସ୍କିଲ୍ଡ ଓ ଅନସ୍କିଲ୍ଡ ଶ୍ରମିକଙ୍କ ଦୈନିକ ହାଜିରା ଅଲଗା ରହିଛି ା କିନ୍ତୁ ବୋରିକିନା ପଞ୍ଚାୟତରେ ଏସବୁରେ ବ୍ୟତିକ୍ରମ ଦେଖାଦେଇଛି। ଜବ୍କାର୍ଡଧାରୀଙ୍କ ଅଜାଣତରେ ସେମାନଙ୍କ ନାମରେ ଆବେଦନ କରାଯାଇ ଟଙ୍କା ସେମାନଙ୍କ ଆକାଉଣ୍ଟକୁ ପଠାଯାଇଛି। ପରବର୍ତ୍ତୀ ସମୟରେ କେତେଜଣ ବ୍ୟକ୍ତିଙ୍କ ସହଯୋଗରେ ସମ୍ପୃକ୍ତ ଜବକାର୍ଡଧାରୀଙ୍କଠାରୁ ଉକ୍ତ ଟଙ୍କା ଆକାଉଣ୍ଟରୁ ଉଠାଇ ନିଆଯାଉଛି। ଏପରିକି ପଞ୍ଚାୟତର କେତୋଟି ପୋଖରୀ ଖୋଳା ନ ଯାଇ ଲକ୍ଷାଧିକ ଟଙ୍କା ହଡ଼ପ କରାଯାଇଛି। ଏହି ପଞ୍ଚାୟତର ଓଳାସ ଗ୍ରାମର ଏକ ପୋଖରୀ ଖୋଳାରେ ମେଶିନ ଟ୍ରାକ୍ଟର ବ୍ୟବହାର କରାଯାଇଥିଲେ ସୁଧା ଜବକାର୍ଡଧାରୀଙ୍କ ଆକାଉଣ୍ଟକୁ ୮ଲକ୍ଷରୁ ଊର୍ଦ୍ଧ ଟଙ୍କା ପେମେଣ୍ଟ ହୋଇଛି ା ସେହିପରି ପଞ୍ଚାୟତର ଅନ୍ୟ କେତୋଟି ପ୍ରକଳ୍ପର କାମ ନ ହୋଇ ମଧ୍ୟ ପେମେଣ୍ଟ କରାଯାଇଛି ବୋଲି ସାହୁ ଅଭିଯୋଗରେ ଦର୍ଶାଇଛନ୍ତି।
ଏ ସମ୍ପର୍କରେ ବିଡିଓ ଜିତେନ୍ଦ୍ର ନାୟକଙ୍କୁ ମୋବାଇଲ ଫୋନ ନମ୍ବର ଯୋଗେ ଯୋଗାଯୋଗ କରାଯାଇଥିଲେ ସୁଧା ସେ ଉଠାଇ ନ ଥିଲେ ା ଏ ସମ୍ପର୍କରେ ବୋରିକିନା ପଞ୍ଚାୟତର ଜିଆରଏସ ଉଲ୍ଲାସଙ୍କୁ ଦାସଙ୍କୁ ପଚାରିବାରୁ ମୁଁ ଆଠ ଦିନ ହେବ ଉକ୍ତ ପଞ୍ଚାୟତକୁ ଆସିଛି ା ତେଣୁ ଏ ଘଟଣା ବିଷୟରେ ମୁଁ କିଛି କହି ପାରିବିନି ବୋଲି କହିଥିଲେ ା ପୂର୍ବରୁ ଥିବା ଜିଆରଏସ୍ ବିଭୁତି ପ୍ରଧାନଙ୍କୁ ଯୋଗାଯୋଗ କରିବାରେ ସରକାରଙ୍କ ଗାଇଡ୍ ଲାଇନ୍ ଅନୁଯାୟୀ, ଏମ୍ଜିଏନ୍ଆର୍ଇଜିଏସ୍ କାମ ହୋଇଛି। ଏଥିରେ କୌଣସି ଦୁର୍ନୀତି ହୋଇନାହିଁ ବୋଲି କହିଛନ୍ତି।