ବଲାଙ୍ଗୀର ଅଫିସ,୧୮।୫: ବଲାଙ୍ଗୀର ଜିଲା କଣ୍ଟାବାଞ୍ଝିରୁ ଗୁଡିଘାଟ ଯାଉଥିବା ରାସ୍ତାର କଦଳୀପଡା ଛକ ନିକଟରେ ଥିବା ମୋହିତ ଟ୍ରେଡିଂ ନାମକ ଗୋଦାମରେ ଖାଉଟି ବିଭାଗ ଚଢାଉ କରିଛି । ତୁରେକେଲା ଏବଂ ମୁରିବାହାଲ ଖାଉଟି ଅଧିକାରୀ ମିଳିତ ଭାବେ ଚଢାଉ କରିଥିବା ଜଣାପଡ଼ିଛି।
ବେଆଇନ ଭାବେ ଚାଉଳ ଗଚ୍ଛିତ ରଖିଥିବା ନେଇ ଅଭିଯୋଗ ହୋଇଥିଲା । ଅଭିଯୋଗ ପରେ ଖାଉଟି ବିଭାଗ ପକ୍ଷରୁ ଚଢାଉ କରାଯାଇଛି । ଚଢାଉ ବେଳେ ୬୪୦ ବସ୍ତା ଚାଉଳ ଜବତ ହୋଇଛି । ପରେ ଗୋଦାମକୁ ସିଲ୍ କରାଯାଇଛି।