ଭଣ୍ଡାରିପୋଖରୀ,୨୨ା୫: ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବାଲିପୋଖରୀ ପଞ୍ଚାୟତରେ ସକ୍ପିଟ୍ ନିର୍ମାଣରେ ଅନିୟମିତତା ନେଇ ଅଭିଯୋଗ ହେଉଛି। ଜଳ ଓ ପରିମଳ ବିଭାଗର ପ୍ରତ୍ୟେକ୍ଷ ତତ୍ତ୍ୱାବଧାନରେ ନିର୍ମାଣ ହୋଇଥିବା ବେଳେ ଏହା ଦାୟିତ୍ୱରେ ଥିବା ଅଧିକାରୀ ଠିକ୍ ଭାବେ ତଦାରଖ କରୁ ନ ଥିବା କହି ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିଛନ୍ତି। ପଞ୍ଚାୟତର ଜଗନ୍ନାଥପ୍ରସାଦ ଗ୍ରାମର ଆନିକଟ ନିକଟସ୍ଥ ଲୋକନାଥ ମନ୍ଦିର ସମ୍ମୁଖରେ ସକ୍ପିଟ୍ ନିର୍ମାଣ ଯୋଗୁ ବଜାରର ସମସ୍ତ ଜଳ ନିଷ୍କାସନ ହୋଇପାରୁ ନାହିଁ। ଫଳରେ ବଜାର ରାସ୍ତାରେ ଅପରିଷ୍କାର ପାଣି ଜମି ରହୁଛି। ଏହାବ୍ୟତୀତ ଠିକ୍ ସ୍ଥାନରେ ସକ୍ପିଟ୍ ନିର୍ମାଣ କରାଯାଇ ନାହିଁ। ଏଣୁ ବିଭାଗ ପକ୍ଷରୁ ତଦନ୍ତ କରାଯିବାକୁ ଦୁର୍ଯ୍ୟୋଧନ ବାରିକ, ପ୍ରକାଶ ମହାପାତ୍ର ପ୍ରମୁଖ ଗ୍ରାମବାସୀ ଦାବି କରିଛନ୍ତି। ଏ ସମ୍ପର୍କରେ ବିଆର୍ସି (ବ୍ଲକ ରିସର୍ଚ୍ଚ କୋଅର୍ଡିନେଟର) ଉଦୟ ନାଥ ବେଜଙ୍କୁ ପଚାରିବାରୁ ଅଭିଯୋଗ ଆସିଛି, ଖୁବ୍ଶୀଘ୍ର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।