କେନ୍ଦୁଝର,୧ା୧୨(ସ୍ବ.ପ୍ର.): ପଣ୍ଡାପଡ଼ା ଥାନା ଅନ୍ତର୍ଗତ ବଡ଼କମାଣ୍ଡରା ଗ୍ରାମରେ ଜଣେ ହାଇସ୍କୁଲ ରାତି ଜଗୁଆଳଙ୍କୁ ଅପହରଣ ଘଟଣା ଚର୍ଚ୍ଚାର ବିଷୟ ହୋଇଛି। ତାଙ୍କୁ ଅପହରଣ କରାଯାଇଥିବା ନେଇ ପରିବାର ଲୋକେ ଅଭିଯୋଗ କରିବା ପରେ ଏ ନେଇ ପଣ୍ଡାପଡା ଥାନାରୁ ନ୍ୟାୟ ନ ମିଳିବାରୁ ଗ୍ରାମବାସୀଙ୍କ ସହିତ ମିଶି ଏସ୍ପିଙ୍କ ଦ୍ବାରସ୍ଥ ହୋଇ ହୋଇଛନ୍ତି। ସବୁ ଦିନ ଭଳି ଗତ ୨୮ ତାରିଖରେ ରାତିରେ ବିଦ୍ୟାଳୟକୁ ରାତି ଜଗୁଆଳ ଭାବେ ଯାଇ ଆଉ ଫେରି ନ ଥିଲେ। ଏଣୁ ତାଙ୍କୁ କେହି ଅପହରଣ କରି ନେଇଥିବା ନେଇ ତାଙ୍କ ସ୍ତ୍ରୀ ଦ୍ରୌପଦୀ ନାଏକ ପଣ୍ଡାପଡ଼ା ଥାନାରେ ଅଭିଯୋଗ କରିଥିଲେ।