ନବରଙ୍ଗପୁର,୨୩|୧(ବି.ପ୍ର.) ଚାକିରି ଦେବା ନାଁରେ ଅର୍ଥ ଆଦାୟ। ଠକେଇର ଶିକାର ହୋଇଥିବା ଦେବକୀ ଜାନୀ (୨୦) ଓ ନିବେଦିତା ଭତରା ନବରଙ୍ଗପୁର ଥାନାର ଦ୍ୱାରସ୍ଥ ହୋଇଛନ୍ତି।
କୋଡିଙ୍ଗା ଥାନା ଅଧୀନ ମିଥିଆ ଗାଁର ଦେବକୀ ଜାନୀ ଓ ଡାବୁଗାଁ ଥାନା ଅଧୀନ ଚାଯିଗୁଡା ଗାଁର ନିବେଦିତା ଭତରା ସିକ୍ୟୁରିଟି ଗାର୍ଡ ପାଇଁ ଜ୍ୟୋର୍ତିମୟୀ ପ୍ରିୟଦର୍ଶନୀ ପଣ୍ଡାଙ୍କୁ ଯୋଗା ଯୋଗ କରିଥିଲେ। ଜ୍ୟୋର୍ତିମୟୀ ପ୍ରଥମେ ହଜାର ଟଙ୍କା ତାଙ୍କ ଆକାଉଣ୍ଟକୁ ପଠାଇବାକୁ କହିଥିଲେ। ଡିସେମ୍ବର ୨୯ରେ ଉଭୟ ୧ ହଜାର ଟଙ୍କା ଲେଖାଏ ପଠାଇଥିଲେ। ଏହା ପରେ ୮୨୬୦୧୪୯୧୭୬ ନମ୍ବରରେ ବବିତା ନାୟକଙ୍କୁ ୨ହଜାର ଟଙ୍କା ଲେଖାଏ ପଠାଇବାକୁ ଜ୍ୟୋର୍ତିମୟୀ କହିଥିଲେ। ଚଳିତ ମାସ ୫ ତାରିଖରେ ସେମାନେ ୨ ହଜାର ଟଙ୍କା ପଟାଇଥିଲେ। ଏହାପରେ ଜ୍ୟୋର୍ତିମୟୀ ସଙ୍ଘମିତ୍ରା ସାମନ୍ତରାୟ ନାମକ ଜଣେ ମହିଳାଙ୍କ ନମ୍ବର ୮୬୩୭୨୧୮୦୦୯ରେ ୧୦ ହଜାର ଟଙ୍କା ଲେଖାଏ ପଠାଇବାକୁ କହିଥିଲେ। ଦେବକୀ ଓ ନିବେଦିତା ଦୁହେଁ ୧୯ ତାରିଖ ଦିନ ୧୦ ହଜାର ଟଙ୍କା ଲେଖାଏ ଉକ୍ତ ନମ୍ବରରେ ପଠାଇଥିଲେ। କିନ୍ତୁ ଉକ୍ତ ନମ୍ବର ଲକ୍ଷ୍ମୀଧର ସାହୁଙ୍କ ନାମରେ ରହିଥିବାରୁ ସେମାନଙ୍କ ସନ୍ଦେହ ହୋଇଥିଲା। ଏହାପରେ ସେମାନେ ନବରଙ୍ଗପୁର ଥାନାକୁ ଯାଇ ଅଭିଯୋଗ କରିଛନ୍ତି।