ଗୁଣପୁର,୧୨ା୭(ଡି.ଏନ୍.ଏ.)-ଜଣେ ୬ ବର୍ଷର ନାବାଳିକାଙ୍କୁ ବଳାତ୍କାର କରାଯାଇଥିବା ଟ୍ୟୁଶନ ସାର୍ଙ୍କ ନାମରେ ଅଭିଯୋଗ ହୋଇଛି। ରାୟଗଡ଼ା ଜିଲା ଗୁଣପୁର ବ୍ଲକ୍ ପୁଟାସିଂ ଥାନା ଅଞ୍ଚଳରେ ଘଟିଛି ଏଭଳି ଘଟଣା।
ସୂଚନା ଅନୁଯାୟୀ, ଦ୍ୱିତୀୟ ଶ୍ରେଣୀରେ ଅଧ୍ୟୟନ କରୁଥିବା ବାଳିକା ଏବଂ ତାଙ୍କ ବଡ଼ ଭାଇ ଗାଁର ଜଣେ ନାବାଳକ ଟ୍ୟୁଶନ ସାର୍ଙ୍କ ଘରେ ପଢୁଥିଲେ। ଶନିବାର ସକାଳେ ଟ୍ୟୁଶନ ସରିବା ପରେ ଶିକ୍ଷକ ନାବାଳିକାଙ୍କୁ ପିଜୁଳି, ଅଙ୍ଗୁର ଦେବି କହି ଅଟକାଇ ରଖିଥିଲେ। ପରେ ଦେଢ଼ କିଲୋମିଟର ଦୂରରେ ଥିବା ଏକ ମକାବାଡ଼ିକୁ ନେଇ ତାଙ୍କୁ ବଳାତ୍କାର କରିଥିବା ପରିବାର ଲୋକେ ପୁଟାସିଂ ଥାନାରେ ଅଭିଯୋଗ କରିଛନ୍ତି। ପୋଲିସ ନଂ.୫୫/୨୦ରେ ଏକ ମାମଲା ରୁଜୁକରି ଟ୍ୟୁଶନ ସାର୍ଙ୍କୁ ଅଟକ ରଖିଛି। ଉଭୟଙ୍କ ଡାକ୍ତରୀ ମାଇନା କରାଯାଇ ଘଟଣାର ତଦନ୍ତ ଚାଲିଥିବା ଏସ୍ଡିପିଓ ରାଜକିଶୋର ଦାଶ ସୂଚନା ଦେଇଛନ୍ତି। ଅଟକ ଟ୍ୟୁଶନ ସାର୍ ନାବାଳକ ହୋଇଥିବାରୁ ତଦନ୍ତ ପରେ ତାଙ୍କୁ ଜୁଭେନାଇଲ୍ କୋର୍ଟରେ ହାଜର କରାଯିବ। ସେଠାରେ ବୟାନ ରେକର୍ଡ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏସ୍ଡିପିଓ କହିଛନ୍ତି।