ନିଶ୍ଚିନ୍ତକୋଇଲି,୨୮।୫(ସ୍ବ.ପ୍ର.): କଟକ ଜିଲା ସୁକରପଡ଼ାରେ ଥିବା ଏକ ମଦ୍ରାସାରେ ପିଲାଙ୍କୁ ମାଡ଼ ମାରିବା ସହ ଘର ଲୋକଙ୍କ ସହ କଥାକରାଇ ନ ଦେବା ଏହିପରି ବିଭିନ୍ନ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି। ଫଳରେ ଶନିବାର ବିଳମ୍ବିତ ରାତିରେ ମାଡ୍ରାଶାରୁ ୬ଜଣ ଛାତ୍ର ଚାଲିଚାଲି ପାଖାପାଖି ୭ କିଲୋମିଟର ଆସି ନିଶ୍ଚିତକୋଇଲି ବଜ଼ାରରେ ପହଞ୍ଚି ଥିଲେ। ବଜ଼ାରରେ ସ୍ଥାନୀୟ ଲୋକେ ତାଙ୍କୁ ଅଟକାଇ ନିଶ୍ଚିତକୋଇଲି ପୋଲିସ ଜିମା ଦେଇଥିଲେ l ଛାତ୍ରମାନେ ବିହାର ଅଞ୍ଚଳର ବୋଲି କହିଥିଲେ। ନିଶ୍ଚିତକୋଇଲି ଥାନା ପୋଲିସ ଘଟଣାର ଅଧିକ ତଦନ୍ତ ଚଳାଇଛି। ଅନ୍ୟପକ୍ଷେ ମଦ୍ରାସା କର୍ତ୍ତୃପକ୍ଷ ଘଟଣାକୁ ଖଣ୍ଡନ କରିଛନ୍ତି l