ଭୁବନେଶ୍ୱର, ୨।୮: ଆଲାଏନ୍ସ ଏୟାର ପକ୍ଷରୁ କୋଲକାତାରୁ ଭୁବନେଶ୍ୱରକୁ ବିମାନ ସେବା ଯୋଗାଣ ସମ୍ପର୍କରେ ଘୋଷଣା କରାଯାଇଛି। ଚଳିତ ବର୍ଷ ଅଗଷ୍ଟ ୧୧ରୁ ଭାୟା ରାଞ୍ଚି ଦେଇ ଏହି ନୂଆ ବିମାନ ସେବା ଉପଲବ୍ଧ ହେବ। ଏହି ସହରଗୁଡିକୁ ସଂଯୋଗ କରିବାକୁ କମ୍ପାନୀ ୭୦ ସିଟ୍ ବିଶିଷ୍ଟ ଏକ ବିଳାସପୂର୍ଣ୍ଣ ବିମାନ ନିୟୋଜିତ କରିଛି। ଏହି ବିମାନ ପ୍ରତି ସପ୍ତାହର ସୋମବାର, ବୁଧବାର, ଶୁକ୍ରବାର ଏବଂ ରବିବାର ଉଡାଣ କରିବ। ଏହା କୋଲକାତାରୁ ସକାଳ ୮ରୁ ବାହାରି ରାଞ୍ଚିରେ ୯.୪୦ରେ ପହଞ୍ଚିବ। ସେଠାରୁ ୧୦.୧୦ରୁ ବାହାରି ଭୁବନେଶ୍ୱରରେ ୧୧.୧୫ରେ ପହଞ୍ଚିବ। ସେହିଭଳି ଭୁବନେଶ୍ୱରରୁ ୧୧.୪୫ରୁ ଛାଡି ରାଞ୍ଚିରେ ୧୨.୫୦ ଏବଂ ରାଞ୍ଚିରୁ ୧.୧୫ରୁ ବାହାରି କୋଲକାତାରେ ୨.୫୦ରେ ପହଞ୍ଚିବ।
