ନୂଆଦିଲ୍ଲୀ,୧୨।୪ : ଲଗାତାର ଦୁଇ ଦିନ ଧରି କାର୍ଯ୍ୟରେ ଯୋଗ ନ ଦେଇଥିବାରୁ ଆଲାଇନ୍ସ ଏୟାର ଏହାର ପାଇଲଟମାନଙ୍କୁ ସୋ କାରଣ ଦର୍ଶାଅ ନୋଟିସ ଜାରି କରିଛି। ଏୟାରଲାଇନ୍ସର ଜଣେ ଅଧିକାରୀ କହିଛନ୍ତି, ପାଇଲଟମାନେ ସୋମବାର ଷ୍ଟ୍ରାଇକ କରିଥିଲେ ଯାହା ମଙ୍ଗଳବାର ମଧ୍ୟ ଜାରି ରହିଥିଲା। ଫଳରେ ଏହା ବିମାନ ଚଳାଚଳ ଉପରେ ପ୍ରଭାବ ପକାଇଥିଲା।
୨୦୦ ପାଇଲଟ ଥିବା ଆଲିଆନ୍ସ ଏୟାରର ପ୍ରତିଦିନ ୧୩୦ ବିମାନ ଚଳାଚଳ କରିଥାଏ। ବିମାନ ସେବା ଅଧିକାରୀ କହିଛନ୍ତି, ସେମାନେ ପ୍ରି-କୋଭିଡ ସ୍ତରର ବେତନ ପୁଣି ପ୍ରଦାନ କରିବା ଏବଂ ଭତ୍ତା ପ୍ରଦାନ ନ କରାଯାଉଥିବାକୁ ବିରୋଧ କରିଥିଲେ। ଧର୍ମଘଟ ଯୋଗୁ ମଙ୍ଗଳବାର ପ୍ରାୟ ୭୦ ଟି ବିମାନର ଚଳାଚଳ ପ୍ରଭାବିତ ହୋଇଥିଲା।
ପାଇଲଟମାନଙ୍କୁ ୨୪ ଘଣ୍ଟା ମଧ୍ୟରେ କାର୍ଯ୍ୟରେ ଯୋଗ ଦେବାକୁ କୁହାଯାଇଛି।
