ସାଉଥ ଫିଲ୍ମ ସୁପରଷ୍ଟାର ଅଲ୍ଲୁ ଅର୍ଜୁନ ଓ ରଶ୍ମିକା ମନ୍ଦନ୍ନାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ପୁଷ୍ପା: ଦି ରାଇଜ’ ପରଦାରେ ଧମାଲ୍ କରିଛି। ଡିସେମ୍ବର ୧୭ରେ ପରଦା ଉପରକୁ ଆସିଥିବା ଏହି ଫିଲ୍ମ ଦୁଇ ଦିନରେ ୧୦୦ କୋଟି ଟଙ୍କା ରୋଜଗାର କରିଛି। ସୁକୁମାରଙ୍କ ନିର୍ଦ୍ଦେଶନାରେ ପ୍ରସ୍ତୁତ ହୋଇଥିବା ଏହି ଫିଲ୍ମ ଖ୍ରୀଷ୍ଟମାସ ପୂର୍ବରୁ ସୁପରହିଟ୍ ସାବ୍ୟସ୍ତ ହୋଇଛି। ‘ପୁଷ୍ପା: ଦି ରାଇଜ’ ପାଞ୍ଚଟି ଭାଷାରେ ମୁକ୍ତିଲାଭ କରିଥିଲା। ଏହାକୁ ଦୁଇଟି ଭାଗରେ ନିର୍ମାଣ କରାଯାଇଛି। ‘ପୁଷ୍ପା’ ଆମେରିକାରେ ମଧ୍ୟ ଭଲ ରୋଜଗାର କରୁଛି। ଏ ପର୍ଯ୍ୟନ୍ତ ଏହି ଫିଲ୍ମ କେବଳ ଆମେରିକା ବକ୍ସ ଅଫିସ୍ରେ ୯ କୋଟି ସଂଗ୍ରହ କରିଛି।
ଏହି ସିନେମାରେ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦନା ଏବଂ ଫଦାହ ଫାଜିଲ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହାର ଦ୍ୱିତୀୟ ଭାଗ ଆସନ୍ତା ବର୍ଷ ପ୍ରେକ୍ଷାଳୟକୁ ଆସିବ ବୋଲି କୁହାଯାଇଛି। ଏହି ଫିଲ୍ମଟି ଆନ୍ଧ୍ରପ୍ରଦେଶର ଶେଷଚାଲାମ ଅଞ୍ଚଳର ଲାଲ ଚନ୍ଦନ ଚୋରା ଚାଲାଣକାରୀଙ୍କ ଜୀବନ ଉପରେ ଆଧାରିତ।
