ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ସାଉଥ ଇଣ୍ଡଷ୍ଟ୍ରିରୁ ଆରମ୍ଭ କରି ବଲିଉଡ ପର୍ଯ୍ୟନ୍ତ ଲକ୍ଷାଧିକ ପ୍ରଶଂସକ। ନିକଟରେ ରିଲିଜ ହୋଇଥିବା ଫିଲ୍ମ ପୁଷ୍ପାକୁ ନେଇ ସେ ବେଶ ଲୋକ ପ୍ରିୟ ହୋଇଥିଲେ। ଏବେ ଦର୍ଶକ ଏହାର ସିକ୍ୱେଲକୁ ଅପେକ୍ଷା କରିିଛନ୍ତି । ଅଲ୍ଲୁ ତାଙ୍କ କ୍ୟାରିୟରରେ ଅନେକ ହିଟ୍ ଫିଲ୍ମ ଦେଇଛନ୍ତି। ତାଙ୍କ ବୃତ୍ତିଗତ ଜୀବନ ସହିତ, ତାଙ୍କର ବ୍ୟକ୍ତିଗତ ଜୀବନ ମଧ୍ୟ ଅତ୍ୟନ୍ତ ଆକର୍ଷଣୀୟ ।
୬ ମାର୍ଚ୍ଚ ୨୦୧୧ ମସିହାରେ ସ୍ନେହା ରେଡ୍ଡୀଙ୍କ ସହ ଅଲ୍ଲୁଙ୍କର ପ୍ରେମ ସମ୍ପର୍କ ଗଢି ଉଠିଥିଲା। ଅଲ୍ଲୁଙ୍କ ସ୍ତ୍ରୀ ସ୍ନେହା ରେଡ୍ଡୀ କୌଣସି ଅଭିନେତ୍ରୀମାନଙ୍କ ଠାରୁ କମ ନୁହଁନ୍ତି । ତାଙ୍କର ଗୋଟିଏ ପୁଅ ଏବଂ ଝିଅ ରହିଛି । ଜଣେ ବନ୍ଧୁଙ୍କ ବିବାହରେ ଅଲୁ ପ୍ରଥମ ଥର ପାଇଁ ସ୍ନେହାଙ୍କୁ ଭେଟିଥିଲେ । ପ୍ରଥମ ଦେଖାରେ ହିଁ ସ୍ନେହାଙ୍କୁ ପ୍ରେମ କରି ବସିଥିଲେ। ଧିରେ ଧିରେ ଦୁହେଁ ପରସ୍ପର ପ୍ରତି ନିକଟତର ହେଲେ । ସେହି ସମୟରେ ସ୍ନେହା ମାଷ୍ଟର ଡିଗ୍ରୀ ଶେଷ କରି ଆମେରିକାରୁ ଫେରି ଆସିଥିଲେ। ସ୍ନେହା ହାଇଦ୍ରାବାଦର ଜଣେ ବ୍ୟବସାୟୀଙ୍କ ଝିଅ ଥିଲେ। ସେତେବେଳକୁ ଅଭିନେତା ଭାବେ ଚଳଚ୍ଚିତ୍ରରେ ଅଲ୍ଲୁ ନିଜର ପରିଚୟ ସୃଷ୍ଟି କରି ସାରିଥିଲେ । ବ୍ୟବସାୟୀଙ୍କ ଝିଅ ହୋଇଥିବାରୁ ଫିଲ୍ମ ତାରକାଙ୍କୁ ବିବାହ କରିବାକୁ ପରିବାର ସଦସ୍ୟଙ୍କର ଅନୁମତି ନ ଥିଲା। ଏହି କାରଣରୁ, ସ୍ନେହାଙ୍କ ପରିବାର ଏହି ସମ୍ପର୍କ ପାଇଁ ସମ୍ପୂର୍ଣ୍ଣ ଭାବେ ମନା କରିଦେଇଥିଲେ। କିନ୍ତୁ ଅଲ୍ଲୁ ଏବଂ ସ୍ନେହା ପରସ୍ପରକୁ ଛାଡିବାକୁ ଚାହୁଁ ନ ଥିଲେ। ସ୍ନେହାଙ୍କ ପରିବାରକୁ ମନାଇବା ପାଇଁ ଅଲୁଙ୍କୁ ଅନେକ ପରିଶ୍ରମ କରିବାକୁ ପଡିଥିଲା । ଶେଷରେ ତାଙ୍କ ପରିବାର ଦୁହିଁଙ୍କ ବିବାହ ପାଇଁ ରାଜି ହୋଇଥିଲେ।
