ବମ୍ବେ: ଭାରତୀୟ ସିନେମାର ଜଣେ ଦିଗ୍ଗଜ କଳାକାର ହେଲେ ସଲମାନ୍ ଖାନ। ଆଜି ବି ବଲିଉଡ୍ରେ ତାଙ୍କର ଦବ୍ଦବା ଜାରି ରହିଛି। ପ୍ରଶଂସକମାନେ ତାଙ୍କ ଫିଲ୍ମକୁ ଅପେକ୍ଷା କରି ରହିଥାନ୍ତି। ଏପରିକି କିଛି ଫିଲ୍ମର ପ୍ରଥମ ଶୋ’ ହାଉସ୍ଫୁଲ ହେବାର ନଜିର ରହିଛି।
ମୁମ୍ବାଇର ଗାଲାକ୍ସି ଆପାଟମେଣ୍ଟରେ ରହୁଛନ୍ତି ଭାଇଜାନ। ପନଓ୍ବେଲରେ ମଧ୍ୟ ତାଙ୍କର ସୁନ୍ଦର ଫାର୍ମହାଉସ୍ ରହିଛି। ଏହାଛଡ଼ା ସଲମାନଙ୍କ ପାଖରେ ଆଉ ଏକ ମହଙ୍ଗା ଜିିନିଷ ରହିଛି, ଯାହା ତାଙ୍କର ବିଳାସପୂର୍ଣ୍ଣ ଜୀବନର ପ୍ରମାଣ। ସେଇଟି ହେଲା ତାଙ୍କ ଭ୍ୟାନିଟି ଭ୍ୟାନ।
ଜଣେ କଳାକାରଙ୍କ ପାଇଁ ଭ୍ୟାନିଟି ଭ୍ୟାନ ଏକ ଛୋଟ ଘର ପରି। ଏହି କ୍ରମରେ ଦବଙ୍ଗ ଖାନ୍ଙ୍କ ଭ୍ୟାନିଟି ଭ୍ୟାନ ବଲିଉଡର ସବୁଠାରୁ ସୁନ୍ଦର ଭ୍ୟାନ ମଧ୍ୟରୁ ଅନ୍ୟତମ। ଏ୍ଥିରେ ସୋଫା ସେଟ୍ରୁ ଆରମ୍ଭ କରି ପ୍ରଶସ୍ତ ଟିଭି, ଓ୍ବାଶରୁମ୍, ଡବଲ୍ ବେଡ୍ ପ୍ରମୁଖ ରହିଛି। ଭ୍ୟାନ୍ ଭିତର ଗୋଟିଏ ପଟେ ଲାଗିଥିବା ସୁନ୍ଦର ପେଣ୍ଟିଂ ଏହାକୁ ଅଧିକ ସୁନ୍ଦର କରୁଛି। ସଲମାନଙ୍କ ଏକ ବଡ଼ ଫଟୋ ଭ୍ୟାନ୍ର ଲିଭିଂ ରୁମ୍ରେ ରହିଛି। ଏସବୁ ଅନ୍ୟ କେହି ଦେଖିଲେ ତାକୁ ଛୋଟ ଆପାର୍ଟମେଣ୍ଟ ଭଳି ମନେ ହେବ।
ତେବେ ସଲମାନଙ୍କ ପାଖରେ ଘର ଓ ଭ୍ୟାନ୍ ଛଡ଼ା ଅନେକ ଦାମୀ କାର ଏବଂ ପ୍ରପର୍ଟି ରହିଛି। ଏବେ ସେ ନିଜର ଆଗାମୀ ଫିଲ୍ମ ରାଧେ ଏବଂ ମୋଷ୍ଟ ଓ୍ବାଣ୍ଟେଡ୍ ଭାଇର ଶୁଟିଂ କରୁଛନ୍ତି। ତତ୍ସହିତ ସେ ବିଗ୍ବସ୍-୧୪ରେ ମଧ୍ୟ ନଜର ଆସିବେ ବୋଲି କୁହାଯାଉଛି।
