କାକୁଡ଼ି ବ୍ୟବହାର କରି ତ୍ୱଚାର ପ୍ରାୟ ସବୁ ସମସ୍ୟା ସମାଧାନ କରିହେବ। ତେଣୁ ଖରାଦିନେ ଏହାର ଫେସ୍ପ୍ୟାକ୍ ତିଆରି କରି ଲଗାନ୍ତୁ।
କାକୁଡ଼ିକୁ ଛୋଟ ଛୋଟ କରି କାଟି ଭଲଭାବେ ପେଷ୍ଟ ତିଆରି କରିଦିଅନ୍ତୁ। ଯଦି ଏଥିରେ କିଛି ଖଦଡ଼ା ଜିନିଷ ରହିଥାଏ ତେବେ ଛାଣି ବାହାର କରିଦିଅନ୍ତୁ। ଏବେ ଏହି ପେଷ୍ଟକୁ ମୁହଁରେ ଲଗାଇ ୧୫- ୨୦ ମିନିଟ୍ ରଖିଦିଅନ୍ତୁ। ଏହାପରେ ମୁହଁ ଧୋଇ ନରମ କପଡ଼ାରେ ପୋଛିଦିଅନ୍ତୁ।
ପ୍ରଥମେ ଏକ ଛୋଟ କାକୁଡ଼ିକୁ ଭଲଭାବେ ଗ୍ରାଇଣ୍ଡିଂକରି ପେଷ୍ଟ ତିଆରି କରିଦିଅନ୍ତୁ। ଏହି ପେଷ୍ଟରେ କିଛି ଆଲୋଭେରା ଜେଲ୍ ମିଶାଇ ମୁହଁରେ ଲଗାନ୍ତୁ। ମୁହଁ ଶୁଖିଗଲା ପରେ ଧୋଇଦିଅନ୍ତୁ।
କାକୁଡ଼ି ଫେସ୍ପ୍ୟାକ ଲଗାଇଲେ ମୁହଁର ଦାଗ ଦୂରହେବା ସହିତ ଫ୍ରେଶ୍ ଅନୁଭବ ହୋଇଥାଏ। ଏହା ସହିତ ମୁହଁରେ ବ୍ରଣ ହେଉଥିଲେ କିମ୍ବା ଅଏଲି ସ୍କିନ୍ ଯୋଗୁ ସମସ୍ୟା ଦେଖାଦେଉଥିଲେ କାକୁଡ଼ି ଫେସ୍ପ୍ୟାକ୍ ଲଗାନ୍ତୁ।
କମ୍ ବୟସରେ ତ୍ୱଚାରେ କୁଞ୍ଚନ ଆସିବା ଭଳି କୌଣସି ଲକ୍ଷଣ ଦେଖାଗଲେ ଆଣ୍ଟି ଏଜିଂ କ୍ରିମ୍ ବଦଳରେ କାକୁଡ଼ି ପ୍ୟାକ୍ ଲଗାନ୍ତୁ। ବହୁ ଫାଇଦା ମିଳିବ।
କାକୁଡ଼ି ଫେସ୍ ପ୍ୟାକ୍ ଲଗାଇଲେ ତ୍ୱଚାରେ ଆର୍ଦ୍ରତା ମଧ୍ୟ ବୃଦ୍ଧି ପାଇଥାଏ।
ସବୁ ପ୍ରକାର ତ୍ୱଚା ପାଇଁ କାକୁଡ଼ି ରସରେ ବେସନ ମିଶାଇ ଲଗାନ୍ତୁ। ମୁହଁର ଉଜ୍ଜ୍ୱଳତା ବୃଦ୍ଧି ପାଇବ।
କାକୁଡ଼ି ଓ ଟମାଟୋକୁ ଗ୍ରାଇଣ୍ଡିଂ କରି ସେହି ପ୍ୟାକ୍କୁ ମୁହଁରେ ଲଗାଇ ୨ ମିନିଟ୍ ଘଷନ୍ତୁ। ଏହାପରେ ୧୫ ମିନିଟ୍ ଛାଡ଼ି ଧୋଇଦିଅନ୍ତୁ। ମୁହଁ ବହୁ ସୁନ୍ଦର ଦିଶିବ।
କାକୁଡ଼ିରସ ସହ ଦହି ମିଶାଇ ମୁହଁରେ ଲଗାଇ ୧୫ ମିନିଟ୍ ପରେ ଧୋଇ ଦିଅନ୍ତୁ। ବ୍ରଣ କିମ୍ବା ଅତ୍ୟଧିକ ତୈଳୀୟ ତ୍ୱଚା ହୋଇଥିଲେ ଫାଇଦା ମିଳିବ।
କାକୁଡ଼ିରସ ସହ ଆଳୁରସ ମିଶାଇ ମୁହଁରେ ଭଲଭାବେ ଲଗାଇ ୧୫ ମିନିଟ୍ ପର୍ଯ୍ୟନ୍ତ ଛାଡ଼ି ଦିଅନ୍ତୁ। ଏହାପରେ ଧୋଇଦିଅନ୍ତୁ, ଫଳରେ ତ୍ୱଚା ଅତ୍ୟନ୍ତ ସୁନ୍ଦର ଏବଂ ଆକର୍ଷଣୀୟ ଦେଖାଯିବ।